G LES AMOUREUX BRANDONS

Tousjours je perdray ma chasteté , tousjours je seray prisonnière ; on me mènera possible encores plus loing de mon pays que je n'en suis : personne ne sçaura plus de mes nouvelles, et quand le messager qui m'en doit apporter sera de retour, il ne trouvera icy que les ruines de tous ces édifices. Seroit-il point plus seur pour moy, que je priasse le garçon qui sçait conduire ces oyseaux, et que je me descouvrisse à luy, le priant soubs promesse d'une bonne recompense, de vouloir s'enfuir avec moy, et me servir de conducteur ? C'est chose que je ferois volontiers ; mais parmi les hommes, il y a tant d'infidélité, que l'on ne sçait à qui descouvrir son conseil. Si je luy dis une fois ma qualité, et qu'il ne vuëillc ou ne puisse mettre ma prière en effect, il ne se tiendra jamais de déclarer à Phorbante ce que je luy auray dict ; lors je seray encores plus estroittement resserrée qu'à présent, et cela sera le comble de mon mal-heur, et un subject à ce barbare de me faire du deshonneur. Il vaut mieux que je choisisse de me bazarder à tous accidents que demeurer tousjours en prison, puisqu'aussi bien nous ne pouvons éviter de mourir une fois, et qu'il est beaucoup plus expédient à une fille de préférer la mort aune perpétuelle ignominie, qu'elle recevroit après qu'on luy auroit ravi sa pudicité. Or le temps est bref, il ne me faut parler à personne, mais seulement attacher les aigles au charriot, et entrer dedans le plus diligemment que je pourray : je m'en

DI 11; \\< i \l;vt r l-.T OALLIXENI 127

vay faire ma prier*, afin qu'il plaise à Dieu m'assiste* et me conduire en one chose ri baiardense ponr moy. Ghrand Pieu, qui par le

milieu de l'air ave/, eliarrové rofl prophètes

pour la grandeur 1 1 la gloire de rostre nom, toiirm/. les y.ux de rostre toute puissante miséricorde vers moy, pauvre pécheresse, et rassurez tellement en moy mon débile jugement, qu'il ne me défaille point à la conduitte de ces oiseaux ; et vous-mesme, par vostre sainte miséricorde, donnez la force à ces animaux et l'instinct de me porter en lieu où je puisse par cy après m'acquitter mieux que je n'ay cy devant faict de mon devoir envers vous, et recognoistre en pleine liberté toutes les grâces et faveurs que j'ay reçeues de vous. Je sçay, Seigneur, qu'encores que vous ayez permis que je sois demeurée captive, que neantmoins ce n'est pas pour me perdre entièrement ; si vous l'eussiez ainsi prédestiné la mer ne m'eust dcsjà engloutie, et le cruel pirate qui me tient captive eust attenté à mon honneur. C'est vous seul qui m'avez conservée et maintenue contre mille hazards, et entre un si grand nombre de dangers par dessus lesquels j'ay couru : ne destournez point les yeux de ceste vostre providence éternelle de dessus moy, vostre humble créature : et s'il vous plaist que ce jour-cy soit mon dernier, oubliez, s'il vous plaist, mes fautes passées. Je sçay bien que c'est vous tenter audacieusement, que de me mettre à la mercy de ces animaux brutes, et encores en la région de l'air, où ce

128 LEfl AMOUREUX liltANDONS

n'est le propre des hommes de fréquenter; mais vous me guiderez, s'il vous plaist, par vostre saincte bonté. C'est en vous seul que j'ay mon espérance ; je me confie et resigne sous vostre protection ; me voicy disposée à suivre vostre saincte volonté, là par où vous m'appellerez. Il faut que je voise atteler les aigles, et prendre garde que nul ne m'apperçoive.