CXXX

L'an mil cinq cens avec quarante et six, En ses cheveux une dame cruelle, Autant cruelle en mon endroit que belle, Lia mon cœur, de ses cheveux surpris.

Lors je pensoy, comme sot mal appris, Nay pour souffrir une peine éternelle, Que les crespons de leur blonde cautelle Deux ou trois jours sans plus me tiendroient pris.

L'an est passé, et l'autre commence ores. Où je me voy plus que devant encores Pris dans leurs reths : et quand par fois la mort

Veut deslacer le lien de ma peine, Amour tousjours pour restreindre plus fort, Flatte mon cœur d'une espérance vaine.

BIBLIOGRAPHIE

Amours. loo2, 54; 1553, 116; 1567. I, 64 b; 1571, -k, 155; 1578, 156; 1587, 129 ; 1592, 131 ; 160i, 1610, 1629, 135.

[CXXX] VARIANTES : I. Texte.

1. L'an m. c. c. contant q. et s. 1552. 1553. 1567. 1587. 1604.