XX VI

Osas tu bien, envieux medisant, Desetuyer ta lanque envenimée, Cuydant noyrcir la blanche renommée 4 De cest honeur qu'un chascun va prisant?

Si tu l'as veüe avec moy devisant, Pour-ce doit elle estre moins estimée, S’elle est de moy parfaitement aymée 8 A son honeur pourroy-je estre nuysant?

O dieu tonant, maistre de la tempeste, D'un feu vangeur foudroye ceste teste, 11 Si de noz faitz tu es vray guerdoneur, Affin qu’un autre une horreur puisse prendre, Quand il voudra follement entreprendre, 14 D’ainsi souiller d’une vierge l’honeur.