Hugues Capet
En plorant Tacolla ly conte signouris.
Et le belle lui a tous lez fais regehis :
Comment emblée fu dez larrons mallaiis,
Et comment par Huon fu cez cors garandis.
Quant le conte l'entent , Huon a par le main pris ,
Et ly dist : « Damoisiaulz sagez et bien apris,
« Telle grâce me doint ly père Jhesu Cris
a Que chilz fais vous puist estre au double remeris ! »
Sy fu il bien depuis , ce nous dist ly escris ,
Quant par dehors Paris fu le ber Huon pris ,
Quant il ot le roy Hugue de Vauvenisse ocis.
Là éust esté mors et detrais à ronchis ;
Mais du conte Sauvaige fu ly bers garandis ,
Ainsy que vous orez en l'istoire de pris.
Ly contez s'en alla en sen noble pourpris,
Avecquez lui se fille , Huon et cez amis.
Hues fu moult laiens amés et conjoïs ,
Mais il n'y demora dez journéez que .vi.
Ly contez ly donna , quant s'en fu départis ,
Or, et argent, et draps , et ung bon destrier gns.
Huez l'en merchia, puis c'est au quemin mis.
Vers Franche fu adont cez voiagez cuillis.
Mais droit en ce tempore que je chi vous devis ,
Furent par dedens Franche entré ly Arabis,
Che fu Gormans ly rois qui tant fu postais,
S'i estoit Ysembars c'on nommoit Margaris.
Ou païs ariverent qui est nommez Pontis;
20 Hugues Capet. 491—517
Mais contre eus alla ly fors rois Loays.
Là ot telle bataille et si grant caplaïs
Que plus de .c. mil Turs y ot mors et fenis.
Là vit on les paiiens mattez et desconfis ;
Là s'y prouva ce jour l'emperere Loys
Que Ysembart , sez niez , fut par lui à mort mis ,
Et Gormons ensement, le fellon Arabis.
Mais tant souffry de paine ce jour ly rois Loys
Qu'il fu de malladie moult grevé et acquis ;
Onquez puis il ne fu à son cors bien santis.
Mais après le bataille fu de Franche partis ;
[Dejvers Mes en Lorainne alla, ce m'est avis.
Aveuquez lui alla le conte Savaris ,
Sire fu de Champaingne, et sez frères Fedris.
A Mes fu le royne Blancheflour au cler vis,
Fille au quens de Nerbonne qui ot non Aymeris,
Et suer estoit Guillame d'Orenge le marchis ;
Et s'y estoit Marie , la fille au roy gentis.
Mais assez tôt aprez fu li rois entrepris
De grande malladie, que ly mire de pris
Et ly phisisien dont il estoit servis
Dirent que il estoit de venin tout enplis,
Si ert enpoisonné, ce disoient toudis.
De ce fait fu mescrus ly contez Savaris ;
Mais, pour ce qu'il estoit poissans et enrichis,
N'en fu point acusez, mais il en fu haïs
De le franque roïne et de pluseurs marchis.
jis— Î4Î Hugues Capet. 21
Mais tant estoit poisans et enforchiez d'amis
C'on n'en osoit ver lui esmouvoir nulz estris.
A grant solemnité fu ly rois enfouis
A Saint Ernoult l'abbie, ce nous dist ly escris.
Par dehors le cité de Mes , je vous plevis,
Est ly noble abbéye et ly lieus benays.
La royne et se fille en geterent maint cris ;
Puis ne demora mie .11. mois tous accomplis
C'uns princhez d'AlIemaingne esmut .1. grant estris:
Ly plus fors volloit estre de l'empire saisis.
Quant ly roïne vit con ly plait fu bastis ,
Elle laissa l'empire, se s'en vint à Paris.
Puis ne demora guairez que ly quens Savaris
Assambla son linaige, dont bien estoit garnis,
A Monmiral en Brie ; là a il consail pris
D'aller à le roïne Blancheflour au cler vis,
Pour demander Marie dont ly cor fu faitis.
Se l'ara à mouiller, telz est ly sien avis,
Et sera du roiaume rois et superlatis.
Et si parens ly dient : « Noble quens postais,
« Nous yrons aveuc vousvollentiers, non envis,
« Voire sy poissaument et de gens sy garnis
ce Que, se le corps la belle vous estoit escondis ,
a Sy Tarez vous par forche, qui qui en soit maris,
ce S'arez le sacre à Rains , le couronne à Paris.
— Barons, dit ly traytrez, je vous en rens mercis. »
22 Hugues Capet.
A Monmiral en Brie ot grant consaillement. Ly prinche s'en partirent après le parlement ; Chascun va en sa terre pour assembler sa gent Pour aller à Paris bien et honestement , Pour demander Marie, la pucelle au cors gent, Pour le quens Savary à qui furent parent. Mais il ne l'ara mie , sy vous diray cornent, Se Dieus sauve Huon Cappet au fier tallent , Qui du conte Sauvaige ot fait département , Et vint droit à Paris montez moult gaiement A l'ostel de son oncle, à ung avesprement. Quant cez onqles le vit en tel aournement, Adont le festia du cuer moult liement; Tant le vit bel de cors et fourme gentement Que de se grant biauté s'esbahissoit forment. A Huon demanda tout le sien errement.
Et Huez ly conta moult debonnairement De se regnassion tout le demainnement , Et comment en péril avoit esté souvent. Sez onclez ly a dit : « Biaus niez, par saint Climent, «r. Vous avez moult véu, ensy con je Tentent, « Et en jonesse [eu] maint grant esbatement ; « Mais fruis qui ne meure se nature desment. « Il n'a plus bel de vous desoulz le firmament, a Et se savez parler très bel et plaisanment ; « Par vous deveroit estre honoré vo parent. « Vous estez mez drois hoirs , ce sai ge à essient ,
J7I— 597 Hugues Capet. 23
a J'ay, puis que ne vo vy, gaingnié si largement
« Qu'à Paris n'a bourgois , biaus niez, certainement,
« Qui ait autant de meubPez , de rentez ne d'argent.
« Vousdemorezo moy, je vous pri douchement,
« S'aray de vous honneur, et je vous ay convent
« Que ravoir vous feray vo terre quitement ,
« Et pour l'amour de vous leveray estât gent ;
« Et vo vous maintenrez oussy honestement.
« Joustez, tournois et festez sieuwez hardiement ;
a Vous serez honorez partout moult hautement,
« Car de par vostre père avez moult haut parent ,
« Et de par vostre mère, biaus niez, par saint Climent,
« Avez vous à Paris maint bourgois excellent
« Qui sont de vo linaige,s'en vaurez mieulz gramment;
a Se vous querons aussy ung biau mariement.
— Biaux onclez , dist Huon , bien os vo parlement,
« Jedemoray 0 vous car mez cuers sy assent;
« Mais de moy marier n'ai ge mie tallent ,
« Si ce n'est à tel dame, sachiez certainnement ,
K Dont onneur et riquesse me viegne hautement ,
« Car à lui marier a grant péril souvent :
« Il y quiet jallousie ou pire argùement.
« Mais c'est très grans déduis d'amer secrètement,
o Pour ce c'on y aprent à parler saigement
« Et à lui maintenir oussy onnestement ;
« Car d'estat amoureus toute honneur en dessent.
a Ly amoureus emprent biau fait hardiement
24 Hugues Capet, $98-625
« Tel fois qu'il n'oseroit avoir le pensement
ce S'amour ne le fasoit par aon enortement ;
a Dont di ge que d'amours servir tout ligement
ce Vienent grâce et éurs, car, cant ly hons se prent
ce D[e] amer, il doit estre de bel esbatement.
a Riens ne doit esparnier, ains doit songneusement
ce Rouver mercy partout où ces cuersly aprent.
ce Se ly une reffuse , ly autre s'y assent.
a En tel estât veul je user le mien jouvent ,
ce Car c'est drois paradis à homme qui s'entent. »
AiNSY Huez ly bers à son oncle disoit. Ly bourgois souffisant doucement en rioit ; Hue retint 0 lui , qui grant estât menoit. Et sachiez qu'en honneur très bien se maintenoit , Car moult estoit biaus hons et noble port avoit ; Pour se grande biauté cescun le regardoit , Et estoit moult prisiez de cescun qui le voit. Or vous larai de lui ung petit chi endroit, Diray de Savary qui Champaingne tenoit.
De venir à Paris moult forment desiroit ; Il et Fedris cez frerez moult bien s'aparilloit. Mains princhez souffisans aveuc[ques] lui venoit, Et le duc de Bourgoingne, qui germains ly estoit^ Et maint princhez vaillant ayuwe ly offroit. Ly contez Savaris de cuer lez merchioit ; De Champaingne party, à Paris en alloit.
é24-é49 Hugues Capet, 2$
Ne say de cez journéez on vous raconteroit,
Ungjour vint à Paris, noblement y entroit,
Bien mille chevalliers aveuç[ques] lui avoit.
Ly peuple de Paris adont y acouroit
Pour véir celle gent ; quant on sceut que c'estoit
Ly contez Savaris , cescun le maudissoit ;
Car de le mort du roy moult mescréus estoit ,
Et disoit on partout qu'enpoisonné l'avoit,
Sy que ly communs peupple du païs le haiioit.
Mais grâce avoit il trop grant, qui l'ensauchoit ,
S'estoit riquez d'avoir et grant plenté donnoit
A barons et à princhez , et plus leur promettoit ,
Et puis parmy Paris lez hosteus on prendoit.
Savary et si gent ce jour se reposoit ,
Lendemain au matin noblement s'aprestoit ;
Droit au pallais alla et maint prinche y menoit.
Là trouva le royne qui point lye n'estoit.
Pour le mort son singneur moult souvent en ploroit ,
Et Marie se fille, qui moult perdue avoit.
Ly contez Savary lez damez enclinoit ,
Et ung tel parlement là endroit commenchoit
De coy il et maint aultre furent mort à destroit.
Ly contez Savaris, qui moult de maulz pensa , Blancheflour la roïne doucement appella Et ly dist : a Chiere dame , oez c'on vous dira ; « Mors est rois Loaïs , ce savons nous piecha ,
26 Hugues Capet. éjo— 676
« Dieux ait merchy de s'ame, qui tous no jugera,
« Car moult fu vaillans bons et poissament régna.
« Ung oir avez de lui qui moult de biauté a,
« C'est Marie le belle qui grant terre tenra.
« Ly roiaulme de France à ly apendera ;
« Or ly convient baron qui le gouvernera
« Qui soit de grant linaige , car bien apertenra
« Que poissans soit et noblez qui tel terre avéra ;
« Et je suis ly plus riche de ceste terre chà
« Et du plus grant linaige de cant qu'il en y a.
« Je suis à marier, mais ly miens cors n'ara
« Jamais famé à moullier se vostre fille n'a.
tt Si vous le me donnez , mez cors l'espousera,
ce Et maintaray la terre si c'on s'en lowera ;
« Par moy sera destruis qui riens y meffera.
« Or m'en respondez, dame, tout ce qu'il vous plaira. »
Quant la dame l'entent, tout ly sans ly mua.
Du parler qu'elle oy forment s'esmervilla ;
Mais par le sens qu'elle ot sen tallent ne monstra,
Moult gracieusement response leur donna.
« Savary, dist le dame, on vous respondera :
« Vous estez moult poissans , nous le savons piecha ;
a Me fille demandez qui roïne sera.
« Il n'apertient à moy que je le donne ja,
« Mais à son grant linaige savoir on le fera,
o Et par lez pers de Franche ainsy on ouvera.
a Comment qu'avecquç vous le plus il en y a,
é77— 702 Hugues Capet. 5?
« Je veul que tout y soient, car bien apartenra, « Et ly bourgeois oussy de che roiaulme chà ; a Me fille à leur volloir du tout obéyra. » Puis disl tout bassement que on ne l'escouta : « Ay! Marie fille, par Dieu qui me créa, « Je maudiroie l'eure que mez cors vous porta « Se cheus vous espousoit qui vo père enerba ! »
Ainsi dist le roïne au conte Savary.
Quant ly dus de Bourgongne le parolle entendy, Il dist à le roïne : « Dame, pour Dieu merchy, « Vous véez chi endroit maint baron signoury « Qui sont parent au conte qui a maint bon amy ; « En vo roiaumes n'a prinche sy postay « Pour maintenir le terre : pour Dieu, otroy il luy « Vostre fille à mouUier, sy sera son mary.
— Sire dus , dist le dame , point ne lui escondy, « Mais il fault consail querre de ceste chose çy. « Quant Marie l'entent, moult ot le cuçr mary; Adonquez le pucelle s'escria à hault cry :
« Par Dieu , lerez , traytrez, à moy avez fally !. « Mieus voroie estre morte que presisse cellui ce Qui le bon roy mon père a faussement murdry \
— Pucelle , dist ly contez, ne ditez plus chechi.
« Tous jour ay vostre père corn mon signeur servy, « Ne onquez au besoing il n'eut sy bon amy, « Car jusquez à le mort fu ge bien, prez de ly.
28 Hugues Cape T. 70?— 7*9
— Par foy, lerez, traytrez, le belle respondy,
« Trop près ly fustez vous, dont j'ay le cuer mary,
« Car par vous fu il mors , Dieu ly fâche merchi ! »
Quant ly contez l'entent, tout lyfrons ly rougy.
Quant Fedri voit sen frère de courour agremy,
Sy li a dit : « Biau sire , trop vous voy amati ,
c< Saisisiez ceste dame , bon gré ou maugré ly ;
« Se renmenez 0 vous, vous serez bien siewi ,
a A rencontre tous hommez vous serez garandy,
a Et puis l'espouzerez en vo pais jolly
a Et s'arez le royaume du tout à vostre otry.
« Qui vous contredira, nous Tarons tost honny. »
Adont plus de ,XL. s'en sont en piez sally,
Ja eussent Marie et tollu et ravi.
Tout maugré lez barons qui Tavoient servy,
Quant la dame se mère au piez si leur quéy,
Et leur dist : « Frans barons, je vous prie mercy;
« Me fille n'est c'uns enfez, prendez vous garde à ly ?
« Pour cez dis ne feroie le monte d'un espy.
« A vous m'acorderay vollontiers, je vous dy,
ce Mais que my franc bourgois de ceste cité chy
« Soient à l'acorder et l'aiient assenty,
ce Et je croy c'a vo gré se seront obéy.
ce Ainsi serez vous d'iaus amé et conjoy ;
ce Car, se par force aviez cest ouvrajge basty,
« Dez gens de ce roiaume seriez moult enhay.
(S Mais soiiez bellement de céens departy
730—7S6 Hugues Capet. 25)
a Et demain revenez ung pau devant mydi,
« Sy arons par raison cest affaire furny. »
Quant ly baron l'entendent, si se sont asouply,
Et ly contez ly dist : « Et il me plest ainsy. »
Adont prinrent congiet , s'ont leur consail finy,
Du pallais avallerent joiant et esbaudy.
Fedris dist à son frère : « Sire, par saint Remy,
ce Le roïne a eu le cuer espoery ;
« Demain arez trestout vo volloir aconply,
ce Car elle a grant paour de ce que je ly dy.
«c Qui ne Se fait douter, on ne tient riens de ly. »
Ainsi dist à sen frère Fedris ly parjurez. A grant joie se sont az osteuz retournez Et dient tout ensamble : « Ly plais est bien allez, ce Car Savaris sera de Franche couronnez. » Et le franche roïne qui tant ot de bontés , Et Marie , se fille , dont ly cors fu parez Furent ou hault paillais aveuquez leur privez. Moult furent lez .11. damez en grant aversitez; Tous leur milleurs consaus fu par elle mandez. .X. chevalliers y vinrent sagez et avissez , Et leur dame ly dist : ce Barons, que me direz ce Du conte Savaris qui tant a cruaultez , « Qui veult me fille avoir outre cez vollentez ? « Et sy ay oï dire , pour certain me créez , « Que ly bon rois mez sirez fu par lui enerbez ; « De pluseurs villains fais est ly siens cors retez ;
^à Hugues Capet. 7J7— 78J
« S'il espousoit me fille, ce seroit grans pitez! »
Lors dist ung chevalliers : « Dame, c'est vérités,
« Qui force a , il boute ; je l'ay oy assez.
« C'est dez barons de France le plus enparentez ,
« S'est mauvais etcrueus, tant est il plus doutez.
« Mais, s'il vous plaist, me dame, une cose ferés :
€ Dez bourgois de Paris ennuit vous manderés
a Dusque à .XXX. ou .XL. [et] dez plus renommez,
a Et ceste cose chi vous leur deviserez ,
« Et comment Savaris par cez grant faucetez
« Veult estre du roiaume et sirez et avoez ;
« Et à ce grant besoing aiwe leur requérez,
« Et leur priiés que ja n'y soient acordez
« Que ly corps de vo fille soit à lui présentez.
« Je croy bien que par yaux secourue serez ,
« Et ce cilz jours pooit estre continuez
« Dusqu* à ung mois de terme, entreus mander porez
« Le gent de vo lynaige dont vous avez assez ;
a Se seroit vostre corps secourus et gardés.
— Sire, ce dist le damme , bien consillié m'avez. »
Dont manda lez bourgois par mesaigez privez.
Simons ly bourgois fu auquez premiers mandez ;
Huez Cappez, ces niez, est aveuc lui allez.
D'autrez saigez et riquez en y avoit assez.
Quant le dame lez vit devant lui assamblez ,
De Savary se plaint dont cez corps est guervez ,
Se leur dist : « Franc bourgois , aiiez de moy pitez,
