AYE D'AVIGNON. I

Car li rois Ganor ot trop grant gent amenée: .VII. en ot contre .1. d'eus en celé matinée. Dame Aye d'Avignon est en la tor montée; De là pot percevoir l'estor et la merlée. Ez vous le roi Ganor brochant, lance levée; Fiert le fiz Pinabel, Acart de Valconbrée. Onques toutes ses armes ne li firent durées Parmi le gros du cuer li a l'ante coulée, Tant c[omJ hante li dure l'abat mort en la prée, Puis escrie : « Aufalerne! ja n'i auront durée « Li glotons qui si ont dame Aye triboiée; « A la jornée d'ui en auront lor soudée. » Dame Aye voit Ganor qui a traite l'espée Dont plus de .vil. glotons a mort sanz demorée. « Sire Diex, dit la dame, qui estoras rousée, « Comme c'est grant damage, je me sui avisée, « Que cil roi sarrazin, qui si fiert de l'espée, « Ne croit en Jhesucrist et [la] Virge henorée; « Car, puis la mort Garnier, à qui je fui donnée, « En la cort Kallemaine, d'anel d'or espousée, r Ne vi ainz mes personne de si grant renommée. « Si grant honor li soit au jor d'ui destinée « Que il puist des glotons délivrer ma contrée ; « Car, se Diex li avoit si fait' henor donnée , « II en devroit avoir mont cortoise soudée.»

Dame Aye est aus fenestres du grant paies plenier, Et choisit la bataille ferir et commencier. Qui dont véist Ganor ferir du brant d'acier, Par desor les glotons et ferir et mallier, Et Guyon de Nentuel ferir du brant d'acier, Souvenir li péust de trop bon chevalier. La gent le roi Ganor ne s'en font pas proier, Ainz fièrent à main tas parmi l'estor plenier.

124 Aye d'Avignon. 4007—4039

Là véissiez par terre chéoir tant chevalier,

Et l'un mort desor l'autre verser et trebuchier ;

Par le champ véissiez estraier maint destrier.

Par droite force estut la gent Milon plessier.

Guyon cria : « Nentuel ! » por sa gent efforcier,

Et Ganor : « Aufalerne ! » commença à huchier.

Guyon choisit Milon, le félon pautonnier;

Il a pris une lance d'une sien homme, Renier,

Puis enbraça l'escu et brocha le destrier,

A sa vois qu'il ot clere commença à huchier :

a Mile, je vous deffi du père droiturier!

« Mar venistez dame Aye et ma terre essillier;

« A ceste moie lance vos aport le loier.

ce Je vengerai ma mère et mon père Garnier. »

Et Milon li torna le col de son destrier,

Fiert Guyon de Nentuel en l'escu de quartier,

Desous la boucle d'or li fet freindre et percier,

Mais le hauberc desous ne pot il enpirier;

Il a rompu sa lance, plus n'i pot gaengnier.

Et Guyon de Nentuel le fiert sans espargnier

Que escu ne haubert ainz ne li ot mestier,

Ne trestoutes ses armes la monte d'un denier.

Parmi totes ses armes li fet couler l'acier,

Le cuer qu'il ot ou ventre li fet par mi tranchier,

Mort le fet devant lui à terre trebuchier ;

Puis escrie : « Nentuel ! ferez, franc chevalier !

a Milon ne porra mes ceste gent conseillier ;

ce G'en ai vengié dame Aie et mon père Garnier. »

Des que Milon fu mors, sa gent fu esbahie, Corn tropiaus de brebis est d'une part fouye ; Enclos sont de Ganor de chacune partie. Là véissiez le jor tante teste tranchie ! La gent Milon le fel orent si lor rôtie

4040—4073 Aye d'Avignon. 125

Que il n'en demora mie vivant .x. mile, Qui geitent jus les armes enmi la praerie. A genous se sont mis, chacun d'eus merci crie A Guyon de Nentuel et à Ganor méisme; Dient que de Guyon tenront lor mennencie Et qu'i siront si homme toz les jors de lor vie. « Et ge le wiel , fet Guy, se Ganor le m'otrie ; « Ce n'est par son voloir, je ne l'acorde mie.

— Je l'otroi, fait Ganor, par Mahon que je prie. » Guyon en prist l'ommage, voient la baronnie.

Li parent Ganelon , cil qui furent en vie , Li ont juré sor sainz, voiant la compaignie, Qu'i li porteront foi corn lor seignor droit lige. Atant fu la bataille sevrée et depeciée. Diex ! corn fu grant l'eschec c'ot la chevalerie ! Ganor l'a fet chargier à sa bachelerie. Vers la tour où fu Aye ont lor voie aqueillie. Dame Aye vient encontre, qui tant fu colorie, Noblement les reçut et acole et festie. Dont a parlé Ganor à la chiere hardie; Guy de Nentuel apele, où durement se fie, Et Aye d'Avignon , la bêle et l'eschevie. Lors dist le roi Ganor, ne lairai ne vos die « Veci Guy et dame Aye qui yer, devant complie, « Me firent convenant, voiant la baronnie, « Que si tost que j'auroie ma bataille asouvie • Et Milon seroit mort et sa geste honnie, « Que le premerain don, noier ne le puet mie, « Que je li [rejquerroie sans nule vilennie, a Qu'il me seroit donné, je n'i fauroie mie.

— Vous ditez voir, dit Aye, se Diex me benéie ■ Demandez vostre don , voiant la baronnie.

— Ma dame, dist Ganor, je vos tieng pour amie ;

« Je ne requier fors vous, par Mahon que je prie,

126 Aye d'Avignon. 4074—4106

ce Et vous espouserai à la loi paiennie.

a Gardez vo serement, ne vous parjurez mie. »

Dame Aye d'Avignon oï Ganor parler, Qui li estoit venus son pais aquiter Et Guyon son chier fiz li rot fet amener; Sagement respondi sanz conseil demander.

0: Sire, ce dist la dame, je vous doi moult amer, ce Et quant vous me volez, gentis rois, espouser, a Je vos réveil .[. don de par moi demander.

— Par ma foi , fet li rois , et gel vos wiel donner, « Ne ja ne me saurez si riche don rouver

0 Que je ne le vous doingne , que qu'il doie couster.

— Sire, ce dist la dame, or vos fist Diex parler. « Se volez que vous doie de loial cuer amer,

ce Je requier que vous faites vo gent crestianner

ce Et vostre cors en fons baptisier et lever ;

ce Par se tour porrons nous no .11. dons acorder. »

Ot la li rois Ganor, si la court acoler,

Puis commande .1. evesque les fons à aprester;

Après se va li rois de ses dras desnuer.

Sanson fu son parrain et Guyon au vis cler ;

Mes le nom de Ganor ne li font pas oster,

Adès le font Ganor, si corn devant , nommer.

Puis a fet ses barons Ganor crestienner ;

Et cil qui ne se vout à ce fet acorder,

Li rois Ganor li fet le chief du bu coper.

Ce jor méimement dont vos m'oez parler

A fet Ganor dame Aye à Piglise mener;

Se jor la prist Ganor à moillier et à per.

Qui véist jouglaors du pais assembler !

Tantost qu'il ont oy de ces noces parler,

Tant en y est venus que nus nés puet esmer.

Ainz de si riches noces n'oy nus hons parler.

4107—41 j6 Aye d'Avignon. 127

Qui à cel jor oïst vider et tromper,

Tabors et chalemiaux et estrumens sonner,

De merveilleuse joie li péust remembrer.

A ce ne vos doi mie trop longuement ester.

Quant vint à Pavesprée qui fu après souper

Et on ot fet dame Aye en sa chambre mener,

Lui et le roi Ganor, qui fu gentis et ber,

Qui por l'amor dame Aye se fist crestienner,

L'evesque va l'estole à son col afubler;

Lor lit vint benéir le soir après souper;

Puis a on fet la chambre widier por reposer.

Li rois Ganor se couche lez dame Aye au vis cler.

Celé nuit pot li rois baisier et acoler,

Et faire son voloier et sa joie mener.

Seignors, icele nuit, dont vos m'oez conter,

Engenra .1. enfant dont vos m'orrez parler;

Entoine le fist puis rois Ganor apeler,

Puis aida il Guyon , à son frère le ber,

Vers le parenté Ganes sa terre à délivrer.

L'andemain va Ganor le servise escouter

Et si vit le cors Dieu et couchier et lever.1

Moult li pleit Jhesu Crist, Diex commence à loer

Et la loi Mahommet du tôt à adosser.

Puis fet aux jugléors de son avoir donner

Tant que chacun se pot du roi Ganor loer.

Puis a dit à Guyon : « Je voudrai retorner;

g Tout le pats ton père te fes quite clamer. »

Huimès commencera estoire à amender De la painne Guyon, le fiz Aye le ber, Si corn li parens Ganes le voudrent defoler.

Explicit