î8i Aye d'Avignon. ç

« En bois ou en rivière , ou là où nous porrons. « Quant nous l'aron ocis, de noiant nous douton : « Il n'a mes c'un sol fiz, que moult fieble senton, « Qui moult par sera liez se servir le daingnon. « Et nous li respondismes : Par ma foi , non feron ; « Miex volons tous jors perdre que le roi ocion. « A ce trai à garant Auboïn et Milon « Que Karles fust ocis se nous Potroïsson. » Li rois a fait les contes geter de la prison Et venir devant lui , por oïr la raison.

Li rois a fet les contes de la prison issir Et venir devant lui, por la raison oïr. Auboïn parla primes , qui moult bien fu oïs. Par le mien enscient , si véist tôt escrit La première parole, ne la recordast si. « Entendez, empereres, dist li dus Auboïn : « A .1. siège, à Verbiere, sor .1. perron marbrin , « Ne fusmes que nos .1111. et Garniers, qui ce dist : « Seignor, quel la feron , par Dieu qui ne menti ? « Ja estes vos par armes corageus et hardi ; « Mal nous baillist cis rois , Diex le puist maléir ! « Poi nous leisse de terre que nous doions tenir: « Près sui que je l'ocie , au soir ou au matin , « En bois ou en rivière, s'i poons avenir. i Por nient en douteron quant nous Pauron ocis : o II n'a mes c'un sol fil , le petit Loéis , « Qui moult par sera liez se le deignon servir. « S'aïdier nous voulez , par tens l'estuet morir. « Et nous li respondismes, si m'ait Diex , nenil ; « Miex voulons tous jors perdre que Karles soit ocis. « Près sui que m'en combat[e] se il est contredis. » Et Garniers li respont : « Traïtor anemi , « Recréant t'en ferai , se Diex pleit et je vif. »

io Aye d'Avignon. • 282—514

Il donnèrent lor gages, li rois le[s] requeilli. Et Ayefu dolente, onques mes ne fu si ; De la poor qu'el ot tôt li chanja le vis. Berengiers l'en esgarde , par contraire li dist : « Duchese d'Avignon, moult dechiet vostrepris; « Membre vous du contraire que l'autrier me déis, « Que chaçoie le cerf que Garniers avoit pris. « Se Dam[e]diex se donne que vo dru soit ocis , « Encore aurai je vos et la terre à baillir, « Si en prendroi mon droit, bêlement, à loisir. » Et respont la duchoise : « Tais, fel , por coi le dis? « Miex vodroie estre nonne ou sanz segnor tous dis « Que je fusse ajoustée à la geste Aulori. » Blancheflor la roïnne l'entendi , si s'en rit.

La bataille fu prise et li gage donné. Ez Girart de Rivier où descent au degré, Qui tint Hui et Naumur et Dinantet Ruisé. Et cil fu niez Garnier et de saseror nez, D'une fille c'ot Do de Nantuel , li barbez, S'ot en sa compaignie .M. chevaliers armez; Ainz monta el palais qu'espérons eust ostés. L'empereres le baise volentiers et de grez ; Entre lui et Garnier s'asientlez à lez. Garniers l'acole et baise, bel l'a araisonné : « Ditez , biaus niés Girars , qu'avez tant demoré ? « Desor tous ceus du siècle devon cest roi amer, « Qu'il a le sien lingnage au nostre ajousté ; « Mais li fil Ganelon m'en ont forment pené , « Et m'ont en ceste cort traïtor apelé : « Demain ert la bataille, li gage en sont donné.

— Oncles, ce dit Girars, moult avez bien ovré; « Je la ferai por vous de bone volenté.

— Biaus niés, ne porroit estre por .1. mui d'or comblé ;

3ij— 346 Aye d'Avignon. il

« Je la ferai mon cors, qu'ainsi est porparlé. — Hé! las, ce dit Girars, dont ai trop demouré. « Ha! barnage de France, comme avez oublié « Le grant duel de Rollant guerpi et trespassé ! « Trop ont li traïtor en grant cort conversé; « Pendu déussent estre bien a .vu. ans passé; « Demain, einçois le vespre, seront au doi monstre. » Dist Amauguin le brun : « Trop en avez parlé; « N'a chevalier en France n'en la crestienté « Que je , en bone cort , n'en face coi ester. « Demain , ainz miedi , en aurez tuit assez. »

Haut demainnent entr' eus et l'ire et la tençon. Berengiers contralie Garnier le fiz Doon : « En moie foi, Garniers , ne dirai se voir non, « Se au roi remembrast de vo père Doon , « De l'asaut qui fu fait à Nentuel sa maison, « De Porgueiil vos consins, les .1111. fiz Aimmon, « Ja n'eussiez sa nièce ne l'enor d'Avignon , « Dame Aye , la duchese à la gente façon. » Et Garniers lor reproche lor père Ganelon, Qui porta le mesage au roi Marcilion , Dont furent mort à glaive li .XII. compaignon. Et respont l'empereres : « Estez en pais , baron. « Ja nen ert fin ne pes acordé ne pardon , « Ne nulle decevrance, se par bataille non. » La cort s'en est alée de Loon à Soison; Blancheflor la roïnne et Aye d'Avignon Au baron saint Gervais tornent àoroison.

Ce fu à une feste du baron saint Basile. Garniers, le fiz Doon , a faite la vegile ; La messe li chanta li evesques Morises. Il offri de besans qui bien valoit .C. livres ,

12 Aye d'Avignon. ,47— ît?

Et Aie la duchoise et noches et afiches ;

Encor sont el monstier en saintes filatieres.

Et li fil Ganelon et Auboïn et Miles

Son venu au palais quant la messe fu dite;

Devant le roi jurèrent, si que François l'oïrent,

Que Garniers vot mordrir le roi par felonnie.

Et li dus rejura , por son cors escondire ,

Onques à Karlemaine ne quist mort en sa vie.

Et Auboïn s'arma , qui ne se tarda mie :

Il vesti .1. haubert dont blanche fu la tire,

Et laça en son chief .1. vert elme d'Aufrique ;

Devant, ens el nazel , reluist une bericle.

Une espée trenchant li çaint ses frères Miles

Qu'aporta Ganelon, son oncle, de Marcille;

A son col pent l'escu qui fu Reimbaut de Frise.

Hante avoit grosse et roide dont li acier brunie.

On li a amené le bai de Monsenie ;

Et Auboïns y monte de si grant legerie

Qu'il n'i bailla estrier ni arçon n'i prent mie.

Qui oïst le parage corn hautement s'escrie :

« Fiz à bon chevalier, ne recroiez vous mie.

« Car si v' estes vaincu, vo geste arez honnie. »

Et respont Auboïns : « Seignor, nel dites mie ;

« Encui saura Garniers de ma chevalerie,

a Sanz clers et sanz evesques , à m'espée forbie. »

Estez les vous ou pré o lor grant baronnie ,

Et sonnèrent lor greilles moult haut, à la bondie.

Tôt premerainement vint Auboïn el champ . Et Garniers s'adouba à loi d'omme vaillant: Il vesti une broigne fort et roide et tenant Qui onc ne fu faussée par nulle arme tranchant ; Il laça en son chief .1. vert hiaume luisant Qui fu à .1. juif qui tint Jerusalant ,

)8o-4n Aye d'Avignon. i}

(Cil de là Papeloient Mato! le fil Matant;) .1. paiens le trouva en Postel Abrahant , En .1. sarquel vermeil où ot jut longuement. Et a çaint une espée afilée et trenchant ; En l'escu de son col a paint .1. lyon blanc; Hante avoit grosse et roide et gonfanon pendant. On li a amené Rosenet le bausant.

GARNlERSfu adoubez et bien et noblement. Et ses destriers li fu amenez en présent, Et li dus y monta tant legerierement Qu'ainz n'j bailla estrier n'a arçon ne s'i prent. Li chevaus donne .!, saut quant le chevalier sent; Et Girars et si homme le sivent bonnement Qu'il n'i ait traïson ni nulle estrange gent. Quant il ist de la porte, si va Dieu aourant, Et encline le ciel et mercie sa gent. Estez le vous el champ où Auboïns l'atent.

Moult par fu grant la noise et li cris et li ton Quant furent mis ensemble li chevalier baron. Garniers vit Auboïn , si l'a mis à raison : « Vassal, vos m'avez mis en grant torblacion; « Vos et vostre parage doint Diex maléiçon , « Quant m'apelastes onques de nulle traïson 1 v Et por coi le pensastes, di, encrimmé félon, « Que je la mort querisse l'emperéor Karlon ? « Certes, je nel féisse por or ne por mangon. « Vos et votre lingnage est plain de traïson. » Et respont Auboïn : « Nous le vous mosterron. » 11 broche le destrier des tranchans espérons, Et Garniers le fauvel qui li cort de rendon , Que des escus percierent le taint et le lyon. Auboïn[s] fiert Garnier par tel devision

14 Aye d'Avignon. 412—44$

Que del flanc li trencha par deseure l'arçon. Et Garniers le refiert en guise de baron , Que parmi le costé li met le gonfanon, Et le bon fer tranchant de la lance .1. tronçon, Et que deriere au dos li peçoie l'arçon, Si trancha au cheval l'eschine et le crépon. Le cheval trébucha souz Auboïn adon ; Et Auboïn se drece, petit jut ou sablon. Grant honte ot quant chéu le virent li baron , Et de ce que il ot perdu son aragon , Par mautalent jura le cors saint Semion Qu'il en rendra Garnier moult âpre guerredon. Il a traite l'espée qui li pent au giron, Qui fu bonne et tranchant , plus luisant d'un glaçon ; Puis apela Garnier par contralioyson :

c Par Dieu, dist il, Garniers, ja ne vosceleron, « On vous soloit tenir à mont hardi baron ; « La proece n'est pas en tel la cuide l'on, « Prestle sui demonstrer adroit et à raison. « Mon cheval avez mort par fine traïson ; « Par celui saint apostre c'on quiert el pré Noiron, « Se vous ne descendez delez moi el sablon, « A ceste moie espée dont à or est li pon, « Aura vostre cheval .1. autel guerredon. « Que de Dié soit maudit, qui souffri passion, « La main du chevalier et le bras et le pon « Qui lait son aversaire, et ocit l'aragon ! « Mes se vos descendez lez moi , jel vos pardon , « Si seron pié à pié , ainsi nous abatron ; « Si n'iert une bataille de failli champion , « Que vos avez trouvé en moi tel compaignon « Qui ja fera dolent dame Aye d'Avignon. « Et vengerai de vos le roi de Moniaon « Que vosistes mortrir jadis par traïson ;