Aye d'Avignon

« Mes je le vengerai ainz que nous departon :

« Se vos estes leupart, je voel estre lion.

« Or a chacun à point trouvé son compaignon.

— Par ma foi , fet Garnier, et je descendrai don ;

« Je croi que ce sera à vo maléyçon. »

A ce mot descend! Ii dus de l'aragon ,

Puis l'atacha lez lui, à .1. arbre selon,

Et a traite l'espée dont à or est le pon.

Or sera la bataille cors à cors el sablon ;

Si en soit Diex au droit par sa redempcion.

A genoillons se met dame Aie d'Avignon

Et proie Damedieu qui souffri passion

Qu'il garisse de mort Garnier, le fiz Doon

Et envoit maie honte as parens Ganelon

Qui sus li orent mis, à tort et sanz reison,

Que il devoitmortrir l'emperéor Karlon.

Dame Aie la duchese se fu agenoillie , Par devers Orient a sa face drecie, Damedieu le poissant moult doucement deprie Qu'i li gart son seignor qu'il ne perde la vie. Auboyn vint à lui par mont grant felonnie, Et a haucié l'espée qui luist et reflanbie. A Garnier de Nentuel a fet une envaïe ; Grant cop li va donner sor la targe florie Que Garniers seur sa teste ot, por le cop, lancie; Desoz la bougie d'or la li a peçoïe , Une pièce enporta à l'espée forbie.

De là feri l'espée sor l'iaume de Pavie, A l'iaume n'a mefet la monte d'une alie ; Lez la senestre espaule est l'espée glacie , .C. mailles enporta de la broingne treslie, Du trumel de la cuisse enporte une partie , Si que li sanc tôt cler contre terre en rougie ;

i6 Aye d'Avignon. 479— j"

L'esperon li coupa bien plain doi et demie.

L'espée fiert à terre de si grant escuillie ,

Grant demi pié l'embat dedens la praerie;

Tôt chancela Garniers, mes il ne chéi mie.

Quant son neveu le voit, Girars chiere hardie,

Ne fet à demander se au cuer li annuie ;

A li méisme dit basset, à vois série :

a Hé ! Garniers de Nentuel , quele la t'a paie !

« Se ne vos en vengiez, par Dieu le fiz Marie,

« Je morrai de corroz , à ce ne faurai mie.

« Je vos requis orains, en la sale voutie ,

« Que por vous combatisse à l'espée forbie ;

« Pléust au roi des ciex et sa mère Marie

« Que je fusse por vous sous vo targe florie!

« Je cuit que la bataille fust assez tost faillie. »

François en ont parlé et la chevalerie :

S'Auboyn ne fust nez de si fêle lingnie ,

N'éust tel chevalier jusques en Tabarie.

Dame Aye d'Avignon a la color changie,

Et proie Damedieu, le fiz sainte Marie,

Qu'i li gart sonseignor que li glos ne l'ocie.

Dame Aie d'Avignon a la color muée, Qdant elle d'Auboïn a véu la colée.

Damedieu reclama et la Virge honorée Qu'i li gart son seignor dont ele est espousée , Et confonde Auboyn à la maie pensée, Et toute sa lingnie soit de feu alumée, Qui ont par tantes fois douce France troublée : Par eus fu mort Roillans à la chiere membrée, Et le conte Olliviers, c'est vérité prouvée, Et tous li .xii. per de la terre honorée. « Sire Diex, dit la dame, plaise vos et agrée, « Si corn de mon seignor vos savez la pensée ,

5i2 — î44 Aye d'Avignon. 17

« Que il en ait l'enor, hui, en ceste jorn£e. -a

Et Garniers de Nantuel à la bone pensée,

Qui avoit du gloton asenti la colée,

Et si voit entor lui de gent tel assemblée,

Et il ot la murmure , le brait et la criée,

Plus li est de la honte qu'il n'est de la colée.

Auboyn recuida recouvrer de volée,

Mais Garniers li donna, seur l'iaume d'Aquilée,

Grant cop et merveilleus de sa tranchant espée;

Le cercle li trancha qui fut de bonne o-uvrée.

Et li glos Auboyn a la teste tornée;

Par ce li fu la teste quant à ce cop sauvée.

Par desous le haubert desceut la bone espée,

,C mailles li trancha de sa broigne safrée,

Et l'en y a tailliée toute la gironnée.

Par devers le trumel l'espée est rendiflée ,

Garniers l'en abat jus une tel charbonnée

Du braion d'une traie n'eussiez tel denrée;

L'esperon li trancha , en terre fiert l'espée,

Près de pié et demi est en la terre entrée.

Auboyn chancela à [la] maie pensée,

Et de l'un des genous est chéu en la prée,

Dont sa geste fut moult corocie et troublée ,

Si en parlent li per de France la contrée.

Li uns a dit à l'autre : « Virge benéurée,

« Qui féistes de Dieu la saintime portée,

« Metez pes en ces .il., si vos plest et agrée;

« Car se li uns des .11. y a la vie outrée,

« On ne verra mais tel en France la contrée. »

Dame Aye d'Avignon esgarda la colée

Que Garniers adonnée Auboyn de l'espée,

Et de l'un des genous fu volez en la prée ;

La mère Damedieu en avoit merciée.

Aye d'Avignon. a

18 Aye d'Avignon. S45-î?8

Quant Auboyn li glos se sent adomagier Du cop que li donna le fiz Doon , Garnier, Par force et par vertu du brant forbi d'acier Qui l'a fet d'un genoill à terre agenoiller, Et par les .il. narines li fet le sanç raier, Li glos en a tel duel le sens cuide changier ; Dont jura Damedieu , le père droiturier, Que, se il ne se venge, ne se prise .1. denier. A ce mot empoingna le brant forbi d'acier, Tost et delivrement est venus à Garnier ; Le cop qu'il li donna lj voloit vendre chier. Bien li cuida la teste à premier cop tranchier ; Mais Garniers tent encontre son escu de quartier. Et li glos y feri de l'espée d'acier, Corn cil qui de l'espée se savoit bien aidier ; Par mi trancha l'escu comme .1. rain d'olivier, D'iluec a fet l'espée sor le hyaume glacier Que les flors et les pierres en a fet trebuchier, Le cercle lî trancha, n'i valut .1. denier, Du cuir et des cheveus li enporte à l'acier, Le sanc vermel li fet de la teste raier. Se ne tornast l'espée el poing au pautonnier, Enfreci qu'ens es dans n'i lessast que trenchier; Plus de .xilij. pies est reculez Garnier. A ce mot Auboyn li commence à huchier : « Vos, Garniers de Nentuel, je croi , à mon cuidier, « Que Karles yous a fet à tel acompaignier a Qui vos fera encui si fort escot paier « Dont convendra dame Aye d'Avignon lermoier, « Et trestous vos parens, si corn j'ai en cuidier. « Tu pues par .1. sol point ta vie respitier : « Rent moi ynelement ton brant forbi d'acier, « Et te claimme vaincu , voiant maint chevalier. « Moi et mon grant lingnage, qui tant fet à proisier,