FE
ee SO + 55
mi ISI -
d'Angleterre estoit le cardinal de Viscestre, qui a ladicte convencion estoit venu en grand et noble estat, tant de chevaliers, escuiers, que d’autres gens d’eglise. Et entre les autres nobles hommes avoit ung qui se nommoit Jehan Stotton, escuier trenchant, et Thomas Brampton, eschanson dudit cardinal, lesquels Jehan et Thomas Brampton se entreaymoient autant ou plus que pourroient faire deux freres germains ensemble : car de vestures, harnois et habillemens estoient tousjours d’une fason au plus près que ilz pouvoient ; et la plus part du temps ne faisoient que ung lict et une chambre, et oncques n’avoit on vu (que) entr’eulx deux que auculnement y eut quelque courroux, noise ou maltalent. Et quand le dit cardinal fut arrivé au dit lieu de Calais, on baïlla pour le logis des ditz nobles hommes l’hostel de Richard Fery, qui est le plus grand hostel de la dicte ville de Calais ; et ont de coustume les grands seigneurs, quand ilz arrivent au dit lieu, passans et revenans, d’y logier. Le dit Richard estoit marié, et estoit sa femme de la nacion du pays de Hollande, qui estoit belle, gracieuse, et bien Iuy avenoit a recevoir gens. Et durant la dite convencion, a laquelle on fut bien l’espace de deux mois, iceux Jehan Stotton et Thomas Brampton, qui estoient si comme en l’aage de xxvij a xxviij ans, aiant leur couleur de cramoisy vive, et en point de faire armes par nuyt et par jour ; durant lequel temps, nonobstant les privaultez qui estoit entre ces deux seconds et compaignons d’armes, le dit Jehan Stotton, au deceu du dit Thomas, trouva maniere d’avoir entrée et faire le gracieulx envers leur dite hostesse, et y continuoit souvent en devises et semblables gracieusetez que on a de coustume de faire en la queste d’amours ; et en la fin s’enhardit de demander a sa dicte hostesse sa courtoisie, c’est assavoir qu'il peust estre son amy et elle sa dame par amours. À quoy, comme faignant d’estre esbahie de telle requeste, lui respondit tout froidement que luy ne aultre elle ne haïoit, ne ne vouldroit hayr, et qu’elle aymoït chascun par bien et par honneur. Mais il povoit sembler a la maniere de sa dicte requeste qu'elle ne pourroit ycelle accomplir que ce ne fut grandement a son deshonneur et scandale, et mesmement de sa vie, et que pour chose du monde a ce ne vouldroit consentir. Adonc le dit Jehan respliqua, disant qu’elle lui povoit tresbien accorder : car il estoit celuy qui luy vouloit garder son honneur jusqu’a la mort, et aymeroit mieulx estre pery, et en l’autre siecle tourmenté, que par sa coulpe elle eust deshonneur ; et qu’elle ne doubta en rien que de sa part son honneur ne fut gardé, luy suppliant de rechef que sa requeste luy voulsist accorder, et a tousjours mais se reputeroït son serviteur et loyal amy. Et a ce elle respondit, faisant maniere de trembler, disant que de bonne foy il luy faisoit mouvoir le sang du corps, de crainte et de paour qu’elle avoit de luy accorder sa requeste. Lors s’approucha d'elle, et luy requist ung baiser, dont les dames et damoiselles du dit pays d'Angleterre sont assez liberales de l’accorder ; et en la baïisant, luy pria doulcement qu'elle ne fut paoureuse et que de ce qui seroit entre eulx deux jamais nouvelle n’en seroit a personne vivant. Lors elle lui dist : « Je voys bien que je ne puis de vous eschapper que je ne face ce que vous voulez ; et puis qu’il fault que je face quelque
chose pour vous, sauf toutesfoiz tousjours mon bon honneur, vous savez l'ordonnance qui est faicte de par les seigneurs estans en ceste ville de Calais, comment il convient que chacun chief d’hostel face une foys la sepmaine, en personne, le guet par nuyt, sur la muraille de la dicte ville. Et pour ce que les seigneurs
et nobles hommes de monseigneur le cardinal, vostre maistre, sont ceens logez
en grand nombre, mon mary a tant fait par le moien d’aucuns ses amis envers mon dit seigneur le cardinal qu’il ne fera que ung demy guet, et entens qu'il le doit faire jeudy prochain, depuis la cloche du temps au soir jusques a la mynuyt. Et pour ce, tantdiz que mon dit mary sera au guet, si vous me voulez dire aucunes choses, les orray tresvoluntiers, et me trouverez en ma chambre, avecques ma chambriere », la quelle estoit fort en grand [vouloir] de conduire et acomplir les voluntez et plaisirs de sa maistresse. Lequel Jehan Stotton fut de ceste response moult joyeux, et en remerciant sa dicte hostesse luy dit que point n'y aroit de faulte que au dit jour il ne venist comme elle luy avoit dit. Or se faisoient ces devises le lundy precedent après disner; mais il ne fait pas a oublier de dire comment le dit Thomas Brampton avoit ou desceu de son dit compaignon Jehan Stotton fait pareilles diligences et requestes a leur dicte hostesse, laquelle luy ne avoit oncques volu quelque chose accorder, fors luy bailler l’une foiz espoir et l’autre doubte, en luy [disant et] remonstrant qu’il pensoit trop peu a l’honneur d'elle : car s’elle faisoit ce qu’il requeroit, elle savoit de vray que son mary et ses parens et amys lui osteroient la vie du corps. Et ad ce respondit le dit Thomas : « Ma tresdoulce damoiselle et hostesse, pensez que je suis noble homme, et pour chose qui me peust advenir ne vouldroye faire chose qui tournast a vostre deshonneur ne blasme : car ce ne seroit point us[er] de noblesse. Mais creez fermement que vostre honneur vouldroye garder comme le mien mesmes ; et ameroye mieulx a morir qu’il en fust nouvelles. Et n’ay amy ne personne en ce monde, tant soit mon privé, a qui je (le) vouldroye en nulle maniere descouvrir [nostre fait.] » Laquelle, voyant la singuliere affection et desir du dit Thomas, luy dit le mercredy ensuyvant que le dit Jehan avoit eu la gracieuse response cy dessus de leur dicte hostesse, que, puis qu’elle voit en si grand volunté de luy faire service en tout bien et en tout honneur, qu’elle n’estoit point si ingrate qu’elle ne le vousist recognoistre. Et lors luy alla dire comment il convenoit que son mary, lendemain au soir, allast au guet comme les aultres chef d’ostel de la ville, en entretenant l'ordonnance qui sur ce estoit faicte par la seigneurie estant en la ville. Mais, la Dieu mercy, son mary avoit eu de bons amis entour monseigneur le cardinal ; car ilz avoient tant fait envers luy qu’il ne feroit que demy guet, c’est assavoir depuis la mynuyt jusques au matin seulement, et que si ce pendant il vouloit venir parler a elle, elle orroit voluntiers ses devises ; mais, pour Dieu, qu'il y vint si secretement qu’elle n’en peust avoir blasme. Et le dit Thomas luy sceut bien respondre que ainsi desiroit il de le faire. Et a tant se partit en prenant congié. Et le lendemain, qui fut le dit jour de jeudy, au vespre, après ce que la cloche du guet avoit esté sonnée, ledit Jehan Stotton n’oblya pas a aller a l’heure que
ÈS
ES
LE FÉSSE
ES à.
