MONSEIGNEUR DE THALEMAS

Au temps de la guerre des deux partiz, les ungs nommez Bourgoignons, les aultres Ermignacz, advint a Troyes, en Champaigne, une assez gracieuse

Fe 210 ——

adventure, qui tresbien vault la racompter et mectre en compte, qui fut telle. Ceulx de Troies, pour lors que par avant ilz eussent esté Bourgoignons, s’estoient tournez Ermignacz ; et entre eulx avoit conversé ung compaignon a demy fol, non pas qu'il eust perdue l’entiere cognoissance de raison, mais a la verité 1l tenoit plus du costé de dame Folie que de raison, quoy que aucunesfoiz 1l executast, et de la main et de la bouche, pluseurs besoignes que plus sage de luy n’eust sceu acever. Pour venir doncques au propos encommentcé, le galant susdit estant en garnison avec les Bourgoignons a Sainte Manehot, mist une journée en termes avec ses compaignons, et dist que s’ilz le vouloient croire, il leur bailleroit bonne doctrine pour attrapper ung grand ost des loudiers de Troyes, les quelx, à la verité, il haïioit mortellement ; et ilz ne l’amoient gueres, mais le menassoient tousjours de pendre, s’ilz le povoient tenir. Veezcy qu'il dist : « Je m'en yrai vers Troyes et m’approucheray des fauxbourgs, et feray semblant d’espier la ville, et de tenter de ma lance les fossez, et si près de la ville m’approucheray que je seray prins. Je suis seur que sitost que le bon baïlly me tiendra, il me condemnera a pendre, et nul de la ville ne s’i opposera pour moy, car 1lz me hayent trestous. Ainsi seray je bien matin mené au gibet, et vous serez embuschez au bosquet qui est au plus près. Et tantost que vous orrez venir moy et ma compaignie, vous sauldrez sur l’assemblée, et en prendrez et tiendrez a vostre volunté, et me delivrerez de leurs mains. » Tous les compaignons de la garnison s’i accorderent, et dirent, puis qu’il osoït bien entreprendre ceste adventure, ilz luy aideroient a la fournir. Pour abreger, le gentil folastre s’approucha de Troyes, comme il avoit [devant] dit, et, comme il desiroit, fut prins, dont le bruyt s’espandit tost parmy toute la ville. Et n’y eut celuy qui ne le condemnast a pendre. Mesme le bailly, si tost qu’il le vit, dist et jura par ses bons dieux qu’il seroit pendu par la gorge. « Helas! monseigneur, disoit il, je vous requier mercy, je ne vous ay rien meffait. — Vous mentez, ribauld, dist le baiïlly, vous avez guidé les Bourgoignons en ceste marche, et avez encusé les bons bourgois et marchans de ceste ville ; vous en aurez vostre payement, car vous en serez au gibet pendu! — Ha! pour Dieu, monseigneur, dit nostre bon compaignon, puis qu’il fault que je meure, au moins qu’il vous plaise que ce soit bien matin, et que en la ville ou j’ay eu tant de cognoissance et d’accointance, je ne reçoyve trop publicque punicion. — Bien, bien, dist le baïlly, on y pensera. » Le lendemain, des le point du jour, le bourreau avec sa charrette fut devant la prison, ou il n’eust gueres esté que veezcy venir le baïlly a cheval et ses sergens et grand nombre de gens pour l’acompaigner ; et fut nostre homme mis, troussé et lyé sur la charette, et, tenant sa musette, dont il jouoit co[ustumier]ement, on l’enmaine devers la Justice, ou il fut plus acompaigné, quoy qu’il fust matin, que beaucoup d’aultres n’eussent esté, tant estoit hay en la ville. Or devez vous savoir que les compaignons de la garnison de Saincte Manehot n’oblierent pas de eulx embuscher au bois auprès de la dicte Justice, des la mynuyt, tant pour sauver leur homme, quoy qu'il ne fust pas des plus sages, tant aussi pour gaigner prisonniers et aultres choses s’ilz

ail

povoient. Eulz la doncques venuz et arrivez, disposerent de leur fait comme de guerre et ordonnerent une gaitte sur un arbre, qui leur devoit dire quand ceulx de Troyes seroient a la Justice. Celle gaitte ainsi mise et logée dist qu’elle feroit bon devoir. Or sont venuz et descenduz ceulx de la justice devant le gibet, et le plus abregeement que faire se peut, le baïlly commende qu’on despesche nostre povre coquard, qui estoit bien esbahy ou ses compaignons estoient, qu’ilz ne venoient pas ferir dedans ces ribaulx Armignacz. Il n’estoit pas bien a son aise, mais regardoit devant et derriere, et le plus le bois ; maïs il n’oyoit ne veoit rien. Il se confessa le plus longuement qu’il peut. Toutesfoiz il fut osté du prestre, et, pour abreger, monte sur l’eschelle. Et luy la venu fut bien esbahy, Dieu le scet, et regarde et veye tousjours vers ce bois ; mais c’estoit pour neant. Car la gaitte ordonnée pour faire saïllir ceulx qui rescourre le devoient etoit sur cest arbre endormye ; si ne savoit que dire ne que faire ce pouvre homme, sinon qu’il pensoit estre a son derrain jour. Le bourreau, a chef de piece, fist ses preparacions pour luy bouter la hart au col pour le despescher. Et quand il vit ce, il s’advisa d’un tour qui luy fut bien proufitable, et dist : « Monseigneur le baïlly, je vous prie pour Dieu que avant que on mette plus avant la main en moy, que je puisse jouer une chanson de ma musette, et je ne vous demande plus. Je suis après content de morir, et vous pardonne ma mort et a tout le monde. » Ceste requeste luy fut passée, et sa musette luy fut en hault portée. Et quand il la tint, le plus a loysir qu’il peut, il la commence a sonner, et joua une chanson que les compaignons de l’embusche dessusdicte cognoissoient tresbien, et y avoit « Tu demoures trop, Robinet, tu demoures trop. » Et au son de la musette la gaitte s’esveilla, et de paour qu’elle eut se laissa cheoir du hault en bas de l'arbre ou elle estoit, et dist : « On pend nostre homme! Avant, avant, hastez vous tost! » Et les compaignons estoient tous pretz ; et au son d’une trompette saïllirent du bois, et se vindrent fourrer sur le baïlly et sur tout le mesnage qui devant le gibet estoit. Et a cest effroy, le bourreau fut tant esperdu et esbahy qu'il ne savoit et n'eut oncques l’advis de luy bouter la hart au col, et le bouter jus, mais luy pria qu'il luy sauvast la vie, ce qu’il eust fait tresvoluntiers ; mais il ne fut pas en sa puissance. Trop bien fist il aultre chose et meilleur, car luy, qui sur l’eschelle estoit, cryoit a ses compaignons : « Prenez chula, prenez cestuy! Ung tel est riche. Üng tel est mauvais garnement. » Bref, les Bourgoignons tuerent un grand tas en venue de ceulx de Troyes, et prindrent des prisonniers ung grand nombre, et sauverent leur homme en la façon que vous oés, qui bien leur dist que jour de sa vie n’eut si belles affres qu’il avoit a ceste heure eu.

rs 212 —-

LA LXXVIe NOUVELLE,

PAR

PHILIPE DE LOAN

L’on m’a pluseurs foiz dit et compté par gens dignes de foy ung bien gracieux cas dont je fourniray une petite nouvelle, sans y descroistre ne adjouster aultre chose que servant au propos. Entre les aultres chevaliers de Bourgoigne ung en y avoit nagueres, lequel, contre la coustume et usage du païs, tenoit a pain et a pot une donzelle belle et gente, en son chasteau que point ne veil nommer. Son chapellain, qui estoit jeune et frez, voyant ceste belle fille, n’estoit pas si constant que par elle ne fust souvent tenté, et en devint trop bien amoureux. Et quand il vit mieulx son point, compta sa rastelée a mademoiselle, qui estoit plus fine que moustarde ; car, la mercy Dieu, elle avoit rendy et couru païs tant que du monde ne savoit que trop. Elle pensoit bien en soy mesmes que si elle accordoit au prestre sa requeste, son maïstre, qui veoit cler, quelque moien qu’elle trouvast, s’en donneroit bien garde, et ainsi perdroit le plus pour le mains. S! delibera de descouvrir l’embusche à son maïistre, qui n’en fist que rire, car assez s’en doubtoit, actendu les regards, devises et esbatemens qu’il avoit veu entre eulx deux. Ordonna neantmains a sa gouge qu’elle entretenist le prestre, voire sans faire la courtoisie, et si fist elle si bien que notre sire en avoit tout au long du bras. Et nostre bon chevalier souvent luy disoit : « Par dieu! par dieu! nostre sire, vous estes trop privé de ma chambriere. Je ne sçay qu’il y a entre vous deux, mais si je savoye que vous y pourchassissiez rien a mon desavantage, Nostre Dame! je vous punyroie bien. — En vérité, monseigneur, respondit maistre domine, je n’y calonge ne demande rien. Je me devise a elle, et passe temps, comme les aultres de ceans ; jour de ma vie ne luy requis d’amours ne d’aultre chose. — Pour tant le vous dy je, dist le seigneur ; si aultrement en estoit, je n'en seroie pas content. » Si nostre domine avoit bien poursuy auparavant de [s]es parolles, plus aigrement et a toute force continua sa poursuite. Car, ou qu'il rencontrast la gouge, de tant près la tenoit que contraincte estoit, voulsist ou non, donner l'oreille a sa doulce requeste ; et elle, duicte et faicte a l’esperon et a la lance, endormoit nostre prestre et l’assommoit, et en son amour tant fort le boutoit qu’il eust pour elle ung Ogier combattu. Si tost que de luy s’estoit sauvée, tout le plaidoyé d’entre eulx deux estoit au maïistre par elle racompté, qui grand plaisir en avoit. Et pour faire la farse au vif, et bien tromper son chapellain, il commenda a sa gouge qu’elle luy assignast journée d’estre en la ruelle du lit ou ilz couchoient, et fuy dist : « Si tost que monseigneur sera endormy, je ferayÿ tout ce que vous vouldrez ; rendez vous donc en la ruelle tout doulcement. » —

-« Et fault, dit il, que tu le laisses faire, et moy aussi : je suis seur que quand il

cuidera que je dorme, qu’il ne demourra gueres a t’enferrer, et j’aray appresté a l’environ de ton devant le las jolis ou il sera attrappé. » La gouge en fut contente, et fist son rapport a noz sire, qui jour de sa vie ne fut plus joieux. Et sans penser ne ymaginer peril ne danger ou il se boutoit, comme en la chambre de son maistre, ou lit et a-la gouge de son maistre, toute raison estoit de luy à cest cop arriere mise ; seullement luy challoit d'accomplir sa fole volunté, combien que naturelle et de pluseurs accoustumée. Pour faire fin a long proces, maistre prestre vint a l’heure assignée bien doulcement en la ruelle, Dieu le scet. Et sa maistresse luy dist tout bas : « Ne sonnez mot ; quand monseigneur dormira, je vous toucheray de la main et venez emprès moy. — En la bonne heure », ce dit il. Le bon chevalier, qui a ceste heure ne dormoit mie, se tenoit a grand peine de rire. Toutesfoiz, pour faire la farse, il s’en garda ; et, comme il avoit proposé et dit, il tendit son filé ou son las, lequel qu’on veult, tout a l’endroit de la partie ou maistre prestre avoit plus grand desir de hurter. Or est tout prest, et noz sire appellé, et au plus doulcement qu’il peut entre dedans le lit, et sans gueres barguigner il monte dessus le tas pour veoir plus loing. Si tost qu'il fut logé, bon chevalier tire bien fort son las, et dit tout hault : « Ha! ribauld prestre, estes vous tel? » Et bon prestre de soy retirer. Mais il n’ala gueres loing. Car l'instrument qu’il vouloit accorder au bedon de la gouge estoit si bien du las encepé, qu’il n’avoit garde de deslonger, dont si tresesbahy se trouva qu’il ne savoit sa contenance ne que advenu il luy estoit. Et de plus fort en plus fort tiroit son maistre le las, qui grand douleur luy eust esté, si paour et esbahissement ne luy eussent tollu tout sentement. À chef de piece il revint a luy, et sentit tresbien ces douleurs, et bien piteusement [c]ria mercy a son maistre, qui tant grand faim avoit de rire que a peine il savoit parler. Si luy dist il neantmains, après qu’il eust tresbien aval la chambre parbondy : « Allez vous en, noz sire, et ne vous advienne plus ; ceste foiz vous sera pardonnée, mais la seconde seroit irremissible. — Helas! monseigneur, ce respond il, jamais ne m’aviendra ; elle fut cause de ce que j’ay fait!» À cest coup, il s’en alla, et monseigneur se recoucha, qui espoir acheva ce que l'autre encommença. Mais sachez bien qu’oncques puis ne s’i trouva le prestre au sceu du maistre. Bien peut estre qu’en recompense de ses maulx la gouge en eut depuis pitié, et, pour sa conscience acquicter, luy presta son bedon, et tellement s’accorderent que le maistre en valut pis tant en biens comme en honneurs. Et du surplus je me tais. Et a tant, fin.

S amas ne = Ce rh

LA LXXVIIe NOUVELLE,

PAR