LA DIX SEPTIESME NOUVELLE

PAR

MONSEIGNEUR

N’agueres que a Paris presidoit en la chambre des comptes ung grand cletc

chevalier assez sur eage, mais tres joyeux et plaisant homme estoit, tant en sa

maniere d’estre comme en ses devises, ou qu'il les adressast, ou aux hommes ou aux femmes. Ce bon seigneur avoit femme espousée desja ancienne et maladive, dont il avoit belle lignée. Et entre aultres damoiselles, chambrieres et servantes de son hostel, celle ou nature avoit mis son entente de a faire tresbelle, meschine estoit, faisant le mesnage commun, comme les litz, le pain et aultres telz affaires. Monseigneur, qui ne jeunoit jour de l’amoureux mestier tant qu’il trouvast rencontre, ne cela gueres a la belle meschine le grand bien qu’il luy veult, et luy va faire ung grand prologue d’amoureux assaulx que incessamment amour pour elle luy envoye ; continue aussi ce propos, promettant tous les biens du monde, monstrant comme il est bien en luy de luy faire tant en telle maniere, en telle et en telle. Et qui oyoit le chevalier, jamais tant d’eur n’advint a la meschine que de luy accorder son amour. La belle meschine, bonne et sage, ne fut pas si beste que aux gracieux motz de son maïstre (ne) baïllast response en rien a son avantage, mais s’exCUSa si gracieusement que monseigneur en son Courage tresbien l’en prise, combien qu'il amast mieulx qu’elle tenist aultre chemin. Motz rigoreux vindrent en jeu par la bouche de monseigneur, quand il perceust que par doulceur il ne fasoit rien ; maïs la tresbonne fille et entiere, amant plus cher morir que perdre son honneur, ne s’en effraya gueres, ains asseurement respondit, dye et face ce qu’il luy plaist, maïs jour qu’elle vive de plus près ne luy sera. Monseignéur, qui la voit ahurtée en ceste opinion, après ung gracieux adieu, laisse ne sçay quans jours ce gracieux pourchaz de la bouche tant seulement ; mais regards et aultres petiz signes ne luy coustoyent gueres, qui trop estoient a la fille ennuyeux. Et si elle ne doubtast mettre male paix entre monseigneur et madame, il ne luy chauldroit guere de la desloyaulté de monseigneur ; mais au fort elle conclud se deceler au plus tard qu’elle pourra. La devocion que monseigneur avoit aux sains de sa meschine de jour en jour croissoit, et ne luy souffisit pas de l’amer et servir en cueur seullement, maïs d’oroison, comme il a fait cy devant, la veult arriere reservir. Si vient a elle, et de plus belle recommença sa harengue en la fasson comme dessus, laquelle il confermoit par cent mille sermens et autant de promesses. Pour abreger, rien ne luy vault. Il ne peut obtenir ung tout seul mot, et encores mains de semblant qu[’elle] luy baïlle quelque pou d’espoir de jamais non pervenir a ses attainctes. Et en ce point se partit ;

mais il n’oblya pas a dire a ce partir que, s’il la rencontre en quelque lieu marchant, ou elle obeyra, ou elle fera pis. La meschine gueres ne s’en effraya, et sans plus y gueres penser va besoigner a sa cuisine ou aultre part. Ne sçay quans jours après, par ung lundi matin, la belle meschine, pour faire des pastez, thamisoit de la fleur. Or devez vous savoir que la chambrette ou se faisoit ce mestier n'estoit guere loing de là chambre de monseigneur, et qu’il oyoit tresbien le bruyt et la noise qui se faisoit a ce coup. Savoit aussi tresbien que c’estoit sa chambriere qui de thamis jouoit ; si s’avisa qu’elle n’aroit pas seule ceste peine, mais [uy vouldroit aider, voire et fera au surplus ce qu’il luy a bien promis, car jamais mieulx a point ne la pourroit trouver. Dit aussy en soy mesmes : « Quelque refus que de la bouche elle m’ayt fait, si en cheviray je bien si je la puis a graux tenir. » Il regarda que bien matin encores estoit, et que madame n’estoit pas encores eveillée ; il sault tout doulcement hors de son lit, a tout son couvrechef de nuyt, et prend sa robe longue et ses botines, et descend de sa chambre si celeement qu’il fut dedans la chambrette ou la meschine tamisoit qu’elle oncques n’en sceut rien tant qu’elle le vit tout dedans. Qui fut bien esbahie, ce fut la pouvre chambriere, qui a pou trembloit, tant estoit asserrée, doubtant que monseigneur ne luy ostast ce que jamais rendre ne luy saroit. Monseigneur, qui la voit effraiée, sans plus parler luy baïlle ung fier assault, et tant fist en pou d’heure qu’il avoit la place emportée s’il n’eust esté content de parlamenter. Si Iuy va dire la fille : « Helas! monseigneur, je vous cry mercy, je me rends a vous ; ma vie et mon honneur sont en vostre main, aiés pitié de moy. — Je ne scay quel honneur, dit monseigneur, qui treseschaufé et esprins estoit ; vous passerez par la. » Et a ce coup recommence l’assault plus fier que devant. La fille, voyant qu’eschapper ne povoit, s’advisa d’ung bon tour, et dist : « Monseigneur, j’ayme mieulx vous rendre ma place par amours que par force ; donnez fin, s’il vous plaist, aux durs assaulx que me livrez, et je feray tout ce qu’il vous plaira. — J’en suis content, dist monseigneur ; mais creez que aultrement vous n’eschapperez. — D'une chose vous requier, dist lors la fille. Monseigneur, je doubte beaucop que madame ne vous oye et ait oy, et s’elle venoit d’adventure, et droit cy vous trouvast, je seroie femme perdue, car du mains elle me feroit batre ou tuer. — Elle n’a garde de venir, non, dit monseigneur ; elle dort au plus fort. — Helas! monseigneur, je la doubte tant que je n’en scay estre asseurée. Si vous prie et requier, pour la paix de mon cueur et plus grande seureté de nostre besoigne, que vous me laissez aller veoir s’elle dort ou qu’elle fait. — Nostre Dame, tu ne retournerois pas, dit monseigneur. — Si feray, par mon serment, dit elle, trestout tantost. — Or je le veil! dit il, avance toy. — Ha! monseigneur, si vous voulez bien faire, dit elle, vous prendrez ce thamis et besoignerez comme je faisoie, affin d’adventure, si madame est esveillée, qu’elle oye la noise que j'ay devant le jour encommancée. — Or monstre ça, je feray bon devoir, et ne demoure gueres. — Nenny, monseigneur ; tenez aussi ce buleteau, dit elle, sur vostre teste, vous semblerez tout a bon escient estre une femme. — Or ça, dit 1l, [de] pardieu ça. » Il fut affublé

de ce buleteau, et si commence a thamiser, que c’estoit belle chose tant bien luy siet. Et entretant la chambriere monta en la chambre et esveilla madame, et luy compta comment monseigneur par cy devant d’amours l’avoit priée et qu'il l’avoit assaillie a ceste heure ou el tamisoit. « Et s’il vous plaist veoir comment j'en suis eschappée ét en quel point il est, venez en bas, vous le verrez, » Madame tout a cop se leve, et prend sa robe de nuyt, ét fut tantost devant l’huys de la chambre ou monseigneur tamisoit diligemment. Et quand elle le voit en cest estat, et affublé du buleteau, elle luy va dire : « Ha! monseigneur, èt qu'est cecy ? et ou sont vos lectres, voz grands honeurs, voz sciences et discrecions ? » Et monseigneur, qui deceu se voit, respondit tout subitement : « Au bout de

mon vit, dame, la ay je tout amassé aujourd’uy. » Lors tres marry et courroucé

sur la meschine se desarma du thamis et du buleteau, et en sa chambre remonte. Et madame le suyt, qui son preschement recommence, dont monseigneur ne tient gueres de compte. Quand il fut prest, il manda sa mule, et au palais s’en va, ou il compta son adventure a pluseurs gens de bien qui en risirent bien fort. Et me dist l’on depuis, quelque courroux que le seigneur eust de prinsault a sa belle meschine, si l’ayda il depuis de sa parolle et de sa chevance a marier.

LA XVIlle NOUVELLE,

PAR

MONSEIGNEUR DE LA ROCHE

Ung gentil homme de Bourgoigne nagueres pour aucuns de ses affaires s’en alla a Paris, et se logea en ung tresbon hostel ; car telle estoit sa coustume de querir tousjours les meilleurs logiz. Il n’eut gueres esté en son logis, luy qui cognoissoit mousche en laict, qu’il ne perceust tantost que la chambriere de leans estoit femme qui devoit faire pour les gens. Si ne luy cela gueres ce qu’il avoit sur le cueur, et, sans aller de deux en trois, luy demanda l’aumosne amoureuse. Il fut de prinsault bien rechassé des meures : « Voire, dist elle, est ce a moy que vous devez adrecer telles parolles ? Je veil bien que vous sachez que je ne suis pas celle qui fera tel blasme a l’ostel ou je demeure. » Et qui l’oyoit, elle ne le feroit pour aussi gros d’or. Le gentil homme tantost congneut que toutes ses excusacions estoient erres pour besoigner ; si luy va dire : « M’amye, si j’eusse temps et lieu, je vous diroye telle chose que vous seriez bien contente, et ne doubte point que ce ne fust grandement vostre bien ; mais pource que devant les gens ne vous veil gueres araisonner, affin que ne soiez de moy suspeçonnée, croiez mon homme de ce que par moy vous dira ; et s’ainsi le faictes, vous en vauldrez mieulx. — Je n’ay, dit elle, ne a vous ne a luy que deviser. » Et sur ce point s’en va. Et nostre gentil ho mme appella son varlet, qui estoit ung galant tout [es]veillé, puis luy compta

son ca$ ét le charge de poursuir roidement sa besoigne sans espergnér bourdes ne promesses. Le varlet, duyt et fait à cela, dit qu'il fera bien son personage. Il ne mist pas la chose en obly, car au plus tost qu’il sceut trouver la meschine, Dieu scet s’il joa bien du bec! Et s’elle n’eust esté de Paris, et plus subtile que foison d’aultres, son gracieux langage et les promesses qu'il fait pour son maistre l'eussent tout a haste abatue. Mais aultrement alla. Car, après pluseurs parolles et devises d’entre elle et luy, elle luy dist ung mot tranché : « Je scay bien que vostre maistre veult, mais il n’y touchera ja si je n’ay dix escuz. » Le varlet fist Son rapport a son maistre, qui n’estoit pas si large, au mains en tel cas, de donner dix escuz pour joyr d’une telle damoiselle. « Quoy que soit, elle n’en fera aultre chose, dit le varlet ; et encores y à il bien maniere de venir en sa chambre, car il fault passer par celle a l’oste. Regardez que vous vouldrez faire. — Par la mort bieu! dit il, mes dix escuz me font bien mal d’en ce point les laisser aller s Mais j'ay si grant devocion au saint, et si en ay fait tant de poursuite, qu’il fault que je besoigne. Au deable soit chicheté! elle les ara, — Pourtant le vous dy je, dit le varlet, voulez vous que je luy dye qu’elle les aura? — Oy, de par le dyable! 0y, dit il. » Le vallet trouva la bonne fille et luy dist qu’elle aura ces dix escuz, voire et encores mieulx cy après. « Trop bien, dit elle. » Pour abreger, l’eure fut prinse que l’escuier doit venir coucher avec elle. Mais avant que oncques elle le voulsist guider par la chambre de son maistre en la sienne, il baïlla tous les dix escuz contens. Qui fut bien mal content, ce fut nostre homme, qui se pensa, En passant par la chambre et cheminant aux nopces qui trop a son gré luy coustoient, qu’il jouera d’un tour. Ilz sont venuz si doulcement en la chambre que maistre ne dame ne scevent rien ; si se vont despoiller, et dit nostre escuier qu’il emploira son argent s’il peut. Il se mect a l'ouvrage et fait merveilles d’armes, et espoir plus que bon ne luy fut. Tant en devises que aultrement se passerent tant d'heures que le jour estoit voisin et prochain à celuy qui plus voluntiers dormist que nulle aultre chose feist. Mais la tresbonne chambriere luy va dire : ( Or ça, sire, pour le tresgrand bien, honneur et courtoisie que j’ay oy et veu de vous, j’ay esté contente mectre en vostre obeissance et joissance la rien que plus en ce monde doy cher tenir. Si vous prie et requier que vistement vous veillez apprester et habiller et de cy partir, car il est desja haulte heure. Et, si d’adventure mon maistre ou ma maïstresse venoient iCy, comme assez est leur coustume au matin, et vous trouvassent, je seroie perdue et gastée, et vous ne seriez pas le mieulx party du jeu. — Je ne Sçay quoy, dit le bon escuier, quel bien et quel mal en adviendra ; mais je me reposeray et dormiray tout a mon aise et a mon beau loisir avant que j’en parte. Et, affin que n’aye paour et que point je ne m’es- Pante, vous me ferez compaignie, s’il vous plaist. — Ha! monseigneur, dist elle, il ne se peut faire ainsi. Par mon serment, il vous convient partir. Il sera jour trestout en haste, et si on vous trouvoit iCy, que seroit ce de moy? J’aymeroie mieulx estre morte qu'’ainsi en advenist. Et, si vous ne vous avancez, ce que trop je doubte en adviendra. — Il ne me chault, moy, qu’en advienne, dit l’es-

NE Le mr

Re à ‘+

ir,»

Cu ——

2 = DERVE no mm

cuier ; mais je vous dy bien que si ne me rendez mes dix escuz, ja ne m’en partiray, advienne ce qu’en advenir peut. — Voz dix escus ? dit elle ; et estes vous tel, si vous m’avez donné aucune courtoisie ou gracieuseté, que vous me le vouldrez après retollir par ceste façon ? Sur ma foy, vous monstrez mal que vous soiez gentil homme, — Tel que je suis, dit il, je suis celuy qui de cy ne partiray, ne vous aussi, tant que ne m’aiez rendu mes dix escuz ; vous les ariez gaignez trop aise. — Ha! dit elle, se m’aist Dieu, quoy que vous diez, je ne pense pas que

soiés si mal gracieux, attendu le bien qui est en vous et le plaisir que vous ay fait,

U que fussez si pou courtois que vous n'’aidissiez a garder mon honneur. Et pour ce de rechef vous supplie que ceste ma resqueste passez et accordez et que d’icy vous partez. » L’escuier dit qu’il n’en fera rien; et, pour trousser le compte, force fut a la bonne gentil femme, a tel regret que Dieu scet, de desbourser les dix escuz, affin que l’escuier s’en aille, Quand les dix escuz furent en la main dont ilz partoient, celle qui les rendoit cuidoit bien enrager tant estoït mal contente, et celuy qui les a leur fait grand chiere. « Or avant, dit la courroucée et desplaisante, qui se voit ainsi gouverner, quand vous estes bien joué et farsé de moy, au mains avancez vous, et vous suffise que vous seul cognoissez ma folie

et que par vostre tarder elle ne soit congneue de ceulx qui me deshonoreront s’iz en voient l’apparence. — À vostre honneur, dit l’escuier, point je ne touche ;

gardez le autant que vous l’amez. Vous m'avez fait venir icy, et si vous somme que vous me rendez et mettez au lieu dont party, car ce n’est pas mon intencion comme de venir et de retourner.» La chambriere, ou rien n’avoit a [le] courroucer, non pas mains doubtant l’esclandre de son fait que la mort, voyant aussi que le jour commence a paroir, avec tout le desplaisir et crainte que son ennuyeux cueur charge et empire, se hourde de l’escuier et a son col le charge. Et comme atout ce fardeau passoit par la chambre de son maistre, marchant le plus soef qu ‘oncques peust, le courtois gentil homme, tenant lieu de bahu sur le doz de celle qui sur son ventre l’avoit soustenu, laissa couler ung gros sonnet, dont le ton et le bruyt firent l’oste eveiller, et demanda assez effrayement : « Qui est cela? — C'est vostre chambriere, dist l’escuier, qui me porte rendre ou elle m’avoit emprunté. » À ces motz, la pouvre gentil femme n’eut plus cueur, puissance ne vouloir de soustenir son fardeau desplaisant. Si s’en va d’ung costé et l’escuier d’aultre. Et l’oste, qui congnoist bien que c’est, parla tresbien a l’espousée, qui, toute deceute et esclandrie, tost après se partit de leans. Et l’escuier

en Bourgoigne se retourna, qui aux galans et compaignons de sorte joyeusement racompta ceste son adventure dessusdicte.

om

2 Gr =>

LA XIXe NOUVELLE,

PAR