LA XCIX‘ NOUVELLE

S'il tous plaist, avant qu'il soit plus tard tout à ceste heure, ma petite râtelée et compte abrégé d'ung vaillant evesque de Castille despaindray, qui, pour aucun affaire du roy de Castille, son maistre, ou temps de- ceste histoire, s'en aloit en court de Romme. Ce vaillant prélat, dont j'entens fournir ceste nouvelle, vint ung soir en une petite villette de Lombardie; et, luy, estant arrivé par ung vendredy assez de bonne heure, vers le soir, ordonna à son maistre d'ostel de le faire soupper assez de bonne heure, et le tenir le plus aise que faire ce pourroye, de ce dont on pourroye recouvrer en la ville; car, la Dieu mercy, quoiqu'il feust gros, gras et en bon point, et ne se donnast de mauvais temps que bien à point et sobrement, si n’en jeunoit-il journée. Son maistre d'ostel, pour luy obeyr, s’en alla au marchié, et, par toutes les poissonneries de la ville, sercha pour trouver du poisson. Mais, pour faire le compte brief, il n'en peut oneques recouvrer ung seul loppin, quelque diligence que luy et son oste en sceussent faire. D'adventure, eulx retoumans à l'ostel sans poisson, trouvèrent ung bon homme des champs, qui avoit deux bonnes perdris et ne demandoit que marchant. Si se pensa le maistre d’ostel que, s'il en povoit avoir bon compte, qu'elles ne luy eschapperoyent pas, et queceseroye bon pour le dimenche, et que son maistre en feroit grant feste. 11 les acheta et en eut un bon pris. H vint vers son maistre, ses perdris en sa main, toutes

vives, girasses et bien refaictes*, et luy compta Tesclipse de poisson qui cstoit en ]a ville : dont il ne fut pas trop joyeulx, et luy dist : « Et que pourrous*nous soupper? — •* Monseigneur, ce respondit-il, je vous feray foire des oeufz en plus de cent mille maniérés; vous aurez aussi des pommes et des poires. I^ostre oste a aussi de bon fourmaige et bien gras; nous vous tiendrons bien aise; ayez pacience pour meshuy; ung soupper est tantost passé; vous serez demain plus aise, se Dieu plaist. Nous yrons en ville, qui est trop mieulx empoissonnée que ceste-cy; et dimenche vous ne povez faillir d’estre bien disné *, car vecy deux perdris que je vous ay pourveues qui sont à bon escient bonnes et bien nourries. » Ce maistre evesque se fist bailler ces perdris et les trouva telles qu’elles estoient, bonnes à bon escient; si se pensa qu’elles tendroyent * à son soupper la place du poisson qu'il cuidoit avoir, dont il n’avoit point; car il n’en put oneques trouver. Si les fist tuer bien en haste, plumer, larder et mettre en broche, quelque chose que son maistre d’ostel sccust dire ne remonstrer; trop bien disoit-il : « Monseigneur, elles sont bonnes tuées, mais les rostir maintenant pour dimenche, il ne me semble pas bon. » Quelque chose que le maistre d’ostel luy sceust remonstrer, toutesfoys ne le vouloit-il croire, car elles furent mises en broche et rosties. Le bon prélat estoit, la pluspart du temps qu'elles mirent à cuyre, tousjours présent : dont son maistre d’ostel ne se scavoit assez esbahyr, et ne scavoit pas bien l’appetit desordonné de son maistre qu’il eust à ceste heure de dévorer ces perdris; ainçois cuidoit qu’il le fist pour dimenche les avoir plus prestes au disner. Lors les fist ainsi habiller, et, quant elles furent prestes et rosties, la table couverte et le vin aporté, oeufz en diverses façons habillez et mis à

* Dodues, appétissantes. ^

- Tous ne pouvez manquer d'avoir un bon dinar.

* Dont j’ai fait provision pour votis.

* Pour tmdvakiU.

point, si s'assist le prélat, et le Bénédicité dit, demanda les perdris avec la moustarde. Son maistre d’oslel, désirant scavoir que son maistre vouloit faire de ces perdris, si les luy mist devant luy toutes venantes de la broche, rendantes une fumée arromatique assez pour faire venir l’eaue à la bouche d'ung friant. Et bon evesque d’assaillir ces perdris et desniembrer d’entrée la meilleure qui y feust; et commence à trencher et menger; car tant avoit haste que oneques ne donna loisir à son escuier, qui devant luy trenchoit, qu’il eust mis son pain ne ses coustcaux à point. Quant ce maistre d’ostel vit son maistre s’arracher * à ces perdris, il fut bien esbahy et ne se peut taire ne tenir de luy dire ; « Ha, monseigneur, que faictes-vous? Estes-vous Juif ou Sarrasin, qui ne gardez aultrement le vendredy? Par ma foy, je me donne grant merveille de vostre faict. — Tais-toy, tais-toy ! dist le bon prélat, qui avoit toutes les mains grasses et la barbe aussi de ces perdris : tu es beste, et ne scais que tu dis; je ne fais point de mal. Tu scais et congnois bien que, par parolles, moy et tous aultres prestres, faisons d’une hostie, qui n’est que de blé et d’eaue, le précieux corps de Jesus- Crist; et ne pui.s-je doneques, par plus forte raison, moy qui tant ay veu de choses eu court de Homme, et en tant de divers lieux, scavoir par parolles faire convertir ces perdris, qui est chair, en poisson, jà soit ce qu’elles retiennent la forme de perdris? Si fais, dea! Maintes’ journées sont passées que j’en scay bien la pratique. Elles ne furent pas si tost mises à la broche, que, par les parolles que je scay, je les charmay tellement, que en substance de poisson se converlircul; et en pourriez, Ircstous qui cy estes, menger, comme moy, sans péché. Mais, pour Tymaginacion que vous en pourriez prendre, elles ne vous feroient jà bien; si enferay tout seul le meschief *.» Le mais-

* Il faudrait plutôt lire : s'attacher ou s’atlaqwer.

* Le péché, )a faute.

tre d’ostel et tous les aultres de ses gens commencèrent à rire, et firent semblant de adjouster foy à la Ixiurde de leur maistre, trop subtillement fardée et coulourée; et en tindrent depuis maniéré du bien de luy *, et aussi tnaintesfois en divers lieux joyeusement le racompterent.