I. — ;{.lir

Et mes fins cuers dou tout a li s'otroie, Mais il covient que li cors s'en retraie : Je m'en irey lay ou Deus mort sofri 8 Por nos reanbre a jor dou vandredi.

Douce amie, g'ey a cuei grant dolour Kant me covient enfin de vos partir Ou g'ey troveit tant bien, tante dousour,

12 Joie et soulaz, dou tôt a mon plaisir ; Mais Fortune m'ait fait par sa puissance Changier ma joie a duel et a pesance C'avrey por vos mainte nuit et maint jor :

i6 Ensi irey servir mon criatour.

Ne plus k'enfes ne puet la fain sofrir, Ne ne l'en puet chastoier d'en plourer, Ne croi ge pas ke me puisse tenir

20 De vos, ke suel baisier et acolleir.

Ne ge n'ey pas en moy tant d'estenance ; Cent fois la nuit remir vostre senblance : Tant moi plaisoit vostre cors a tenir !

24 Kant ne l'avrai, si morray de désir.

Biaus sire Deus, ensi con ge por vos Lais le païs ou celle est cui j'ain si,