DIOCÈSE ET PAYS SARLADOIS

CONSIDÉRANT rhistoire de ce pays de Périgord comme partie de la Guiene et la Guiene partie de la France, je trouve ici, tant que on peut recueillir des escrits des anciens, que nos devanciers y ont changé six fois d'estat et de gouvernement jusques à présent. Le premier doibt estre compté avant la venue et conqueste de César ; le second soubz la domination de l'empire romain; le troisiesme soubz la tyrannie des Visigoths; le quatriesme sous Tobéyssance des François qui nous commanderont, un temps en qualité de roys et puys en qualité de ducs; le cinquiesme sous la subjection des Anglois en titre de ducs, et le sixiesme soubz la royauté Françoise. Ces mémoyres sont divisés selon ces six estats qui réduisent ce livre comme en six tables où sont représentées les choses les plus remarcables qui sont venues à mes cognoissances et qui méritent d'estresceues, principalement par ceux qui habitent ce pays Sarladois, pour n'estre estimés d'estrangers dans leur patrie.