CHAPITRE XXXIII

Quant on eut séjourné en celle cité ung mois, on commanda que toute gent s'aparillassent et que le roy voloit aprochier ses annemis. Adont se pourvey chascun selon son estât. Dont se trait le roy hors, et tous ses barons ; et s'en alèrent logier avant six lieuwes. Et tous jours estoit logiés messire Jehan, et sa routte, au plus près du roy, car moult avoit fiance en eulx , et aussi poui le doubte des archiers. Là séjourna deux jours, et au tierch se party. Et passèrent oultre le cité de Duram, tant qu'ils vinrent à une ville appellée Carduel, en Galles, qui fu jadis au roi Artus; et aval la rivière tout bas siet une aultre bonne ville que on appelle Neufcliastel sur le Thin. Les Escos qui adonc estoient entrés en Angleterre, avoient avec eulx deux très bons capitaines et bons guerroiers que le roy Robert de Breux leur avoit délivré pour eulx gouverner. Car il ne pooit chevauchier, pour deux grandes maladies, l'une de goutte et l'autre d'escaupine. S'avoitnom ly ung le conte de Mouret, qui s'armoit d'argent à trois orilliés de geulles , et l'autre messire Guillaume de Douglas, que on tenoitpour le plus preu et le plus hardy en fais d*armes de toute Escoce. Ces deux capitaines avoient bien trois mille hommes d'armes et dix mille d*aultres gens et bien montés. Les Englès poursievirentles Escos si avant , qu'ils virent les fumières des feux que les Escos faisoient. Quant le roy et sa route virent les fumières, si s'aroutèrent pour aler à Tadresse celle part, et ordonnèrent trois grosses batailles de gens d'armes et d'archiers. Et avoit

REDACTION PRIMITIVE

bien en chacune huit cens hommes d'armes et seize raille de piet. Quant ces batailles furent ordonnées , on chevauça hastivement pour aconsievir les Escos, car il véoient les fumières à en- \ iron cinq lieuwes près d'eulx ; mais raconsievir ne les pooient, pour la cause des haulles montaignes qui furent entr'deux. Enfin tant travillèrent par mons et par vaulx, pour venir droit aux Escos à leur advis; mais encore ils trouvoient mares et crolières trop mervilleuses où on ne pooit aler qui ne se voloit perdre. Et quant toule jour eurent ainsi poursievy jusques au vespre qu'il estoient courechiet tt lassct, si se logèrent d'encoste une montaigne. Adont se trairent ces seigneurs à conseil, pour avoir advis comment il se povoient maintenir pour le fort pays. Si fu dit et advisé d'aucuns seigneurs, que on ne les pooit aconsievir ne combattre , se n'estoit que on leur tolist le pas au rapasser la rivièreleXhin.Dont fu accordé que on se levast à mie nuit, et que on se hastast ung petit d'aler vers le rivière pour leur tolir le pas, et qu'au son de la trompette ,chascun f ust prest. Et pensoient pour certain de lendemain combattre.