CHAPITRE XXXIV

En telle manière qu'il fu dit , il fa fait. Si furent armé et monté à cheval. Mais ainchois que les batailles fussent ordonnées, commencha le jour à paroir. Si commenchièrent de chevaucier et d'eulx haster, en grant désir de venir à leur fait ; là trouvèrent bruières et montaignes sans pays plain. Si chevaucha ce josne roy et sa compaignie toute jour parmi ces désers, sans trouver villes ne chemin; et tant que à grant paine vinrent au vespre sur la dite rivière de Thin , où les Escos avoient pass. Et leur conveiioit rapasser; ce disoient ceulx du pays. Et quant ils furent là venu, ils eurent advis qu'ils passeroient celle rivière, comme ils firent à grant paine. Et quant ils furent oultre , si se logèrent selon la rivière; mais sachiés qu'ils eurent perdu moult de leurs gens et de leur harnois, et par espécialgens de piet; dont ils furent moult courouchiés. Ainsytravillié, nommes et chevaux, les convint là jésir toute nuyt , tous armés , tenant leurs chevaulx par les frains, sans boh*e ne menger, se pau non , car leur carois ne poeit avant, pour les montaignes. Ainsi furent toute nuyt à

grant mésaise. Et quant le jour fu venus, il espéroient aucun confort pour eulx et leurs chevaulx, ou de mengieroudecombattre,quemoult ils convoitoient. Adont commencha à plouvoir pour tout le jour, qui encore plus lesdescoiifist. Si les convint juner toute jour, comme il avoient fait la nuit. Et sachiés que leurs chevaulx mengoient les wasons de terre ,' atout les bruières et les racines que avoir ou pooit. Au matin bien tempre, commanda le roy, que ceux qui ihieulx savoient le pays chevauchassent pour trouver aucune aventure. Dont s'en alèrent aucuns qui trouvèrent hommes ouvrans es boG, qui leur dirent qu'ils estoient à quatorze lieuwes englesses du Nuefchastel-sur-Thin et à onze lieuwes de Carduel- en-Galles, et n'y avoit plus près villes pour recouvrer vivres ; et ce rapportèrent au roy en i'ost.