CHAPITRE XLI

La première nuyt que les Englès se logèrent devant celle seconde montaigne, messire Guillaume Douglas, le vaillant guerroier, environ mie nuit, prist deux cents armures de fer et passa la rivière, mais ce fu bien loing de Tost des Englès. Si se vint férir en leur ost bien villainement en criant : Douglas! Douglas! Et en son venir en tua oien trois cents. Et passa oultre jusqut» à la tente du roi, et en coppa trois cordes.

Et bien peut estre que à son retraire il perdy aucuns de ses gens, mais ce ne fu gaires; et là fist un fait d'armes grant et lionnourable. Après ce que messire Guillaume de Douglas eut fait celle envaie , furent Englès plus en double que devant. Si fu ordonné que on fcroit trois gués de nuit sur trois lez de Tost, et en chascun deux cents armures de fer ; car, par aucuns prisonniers des Escos , on savoit assez qu'il ne pooient longuement endurer celle paine; et de tant estoit il mieulx besoing de tàoy garder d'eulx. Sachiés que à ces gués faire estoient durement travilliet les Haynnuiers; car il leur convenoit faire le guet contre les Escos, et se les convenoit gaitier pour les archiers, qui plus les hayoient qu'il ne faisoient les Escos, et bien pensoient d'eulx vengier de ce qui leur fu fait à Ewrunich; et ce tenoit les Haynnuiers en double.