CHAPITRE XLV

Lendemain atelèrentchartons leur harnois, et le roy et sa route chevaucèrent tant que dedans trois jours se trouvèrent à Ewruich, là où madame la roynne attendoit la revenue de son fil et de ses gens; et là se retraist chascun à l'ostel dont partis s'estoit; et l'un après Tautre prinrent congiet au roy et en râlèrent en leurs marches , horsmis aucuns des barons et des estrangiers qui encores demourèrent pour faire au roy compaignie. Si demoura messire Jean de Haynnau et toute sa route dalez le roy et la roynne.Si furent Haynuiers grandement festoyé

et honnouré , et après ce rclivrèrent tous leurs chevaulx à monstre, qui estoient fondu et affollé, et remonstre par parolles et preuves fu faite des mors. Si fu chascun recompensés par argent; et aussi pour leurs frais du retour, ce eurent-ils tout secq. Si quirent les seigneurs pelis chevaulx et haghenées pour relourner sus; et fisrent par leurs garchons tourser baghes et sommiers , et mettre sur mer et venir à TEscluse , et les seigneurs vinrent parmy le royalme d'Engletcrre bien accompaigniés de gens d'armes, pour les archiers qui trop les haioient comme dessus avez oy. Et en convint que le roy y envoia , pour le grant soing qu'il avoit , furent douze chevaliers et trois cens hommes d'armes. Premiers y fu messire Regnault de Gobeham et messire Thomas Waghe, qui estoient meneurs de la roule. Si les conduirent jusques à Douvres; et là prinrent congiet et s'en retournèrent devers le roy; et le$ Haynnuiers passèrent mer et s'en vinrent àWissant; et là se partirent les aucuns de messire Jehan de Haynnau, qui n'avoient point leur chemin à passer parmi Ha^mnau. En ceste manière se fina l'emprinse dessus les Escos, et s'en rala chascun en son lieu ; et messire Jehan rcraerchia moult grandement les compaignons, et par espécial les plus longtains, en leur prometant amour et service s'il leur besongnoit.