CHAPITRE XLVI

Depuis ce ne demoura gaires que le josne roy d'Engleterre, la roynne sa mère, le conte de Kent son oncle , le conte Henry de Lenclastre, messire Rogier de Morlemcr et plusieurs autres du grand conseil , envoièrent l'evesque de Nordwich et deux bons chevaliers et sages, avec deux grans clercs, par devers messire Jehan de Haynnau , en lui priant amiablemcnt qu'il volsîst mettre paine que le josne roy leur sire fiist mariés, et qu'il volsist prier à monseigneur le conte de Haynnau, son frère, qu'il lui pleusyst à envoler mademoiselle Phelippe, sa belle-fille, pour le roy l'avoir à famme. Ces messages vinrent à Valenchiennes en grant aroy, et trouvèrent messire Jehan de Haynnau à son hostel de Beaumont. Se le conte r'eut tout le message dont il estoient enchargiés. Quant messire Jehan eut oy leur message et il les eut festié, ensi que bien le savoit faire, il les envoia devers le conte son père. Là furent grandement rechups, et de madainme

REDACTION PRIMITIVE

la contesse ausquels ils tirent ieur message. Le gentil et noble conlc leur respondy moult courtoisement et par bon conseil, en remerchiant le roy et la roynne , et aui nobles seigneurs du j^oonseil , de Tonneur qu'ils lui faisoient, et de ce ; qu'ils avoient envoie si souffisans gens devers luy; et que moult volontiers s'accordoit à leur requeste , se l'Église et le Père Saint s'i acordoit. Celle response leur souffist grandement; et sur ce tantost envoîèrent deux chevaliers et deux clercs en droit par devers le saint père en Avignon, pour avoir dispensacion; car ils estoient si prochains de lingnage que sans ce ne se pooit faire, car leurs deux mères estoient gousines germaines issues de deux frères. Assez tôt qu'ils furent en Avignon , ils eurent fait toutes leurs besoingnes. Et accorda le saint père et le collîége ceste chose bénignement, pour le haulte noblesse dont il estoient issus tous deux.