CHAPITRE XLIX

Quant ceulx qui là estoient oyrent aînsy leur seigneur parler, si leur ratenrist leurs cuers. Et quant messire Guillame de Douglas poet parler, il respondy et dist : « Gentil et noble sire, cent mille merchis de le grant honneur que vous me faites, quant il vous plaist de moy si grant chose chargier et recommander. Et je vous prometh que à mon loyal pooir je fcray tout vostre commandement; et jamais n'en doubtez, comment que je ne soie digne de tel chose entreprendre, i Dont dist le roy : «Grant merchy ! et ainsi le me créantez par vostre fby. » Adont le bon chevalier ly créanta par sa foy d'achever Temprinse à son pooir. Dont dist le roy : «Dieu en soit graciés; et j'en moray plus aise , quant je scais que les millicur chevalier de mon royalme achèvera ce que îe n'ay peu acomplir ne achever. »