CHAPITRE L

Dont fu le roy d'Escoce en grant repos quant îl sceut que le bon chevalier se fu chargiés de son veu acomplir. Et moult tost après le roy Robert trespassa ; et lui trespassé fu ouvers le corps, et le coer ostés , boulis et enbausmés. Du corps on fîst , à une abbaie que on dist Donfrumelins le service à tele honneur queà tel roy appartient; et y furent Cous les nobles du pays. Après le S( rvice aoomply, le gentil chevalier pourvéy son aroy ; et tantost son appareil fait, il monta sur mer, en Escoce, au havre deHaindebourch. Si s'en vint en Flandres droit à l'Escluse, pour savoir se aucuns de par dechâ le mer s'aparilloit pour aler devers la sainte terre de Jhérusalem ; et là séjourna bien douze jours. Et toudis estoit sur la mer,neoncquesà terrenedescendy. Se menoit en sa compaignie deux chevaliers banerès, sept ?»'^res chevaliers et vingt cinq gentils hommes des mil leurs du pays, saas faoltm

maisnie. ¥J n'avoit nulle vaisselle de cuisuie ne aultre, si non toute d'argent ou d'or. Si estoit le chevalier adoubés comme celuy qui représentoit la personne du roy d'Escoce; et tous ceulx qui l'aloient véoir estoient grandement festoie. Dont lui vinrent nouvelles que le roy de Castille avoit guerre au roy de Grenade qui est Sarasins. Si s'avisa qu'il yroit celé part pour commenchier son voiage. Si se party de l'Escluse par mer, et s'en ala droit en Espaigne; et s'ariva au port de Vallence le Grant. Si s'en ala vers le roy Alfonse. de Castille qui séoit à host contre le dit roy de Grenade; et estoient assez près l'un de l'autre. Au premier jour après que le dit messire Guillame de Douglas fu là venus, advint que le roy de Castille yssi hors aux champs en ordonnance pour combatre; et dalez lui estoit venus aussi en bon arroy le sire d'Engien en Haynnau pour honneur acquerre, et jà avoit esté grant espasse en Espaigne. O advint que le roy de Grenade vint aux champs aussy, et aprocha si que U un des rois véoit l'autre à tout les banières. Si commencèrent à rengier leurs batailles li ung contre l'autre. Adont se traist le dit messire Guillame, et aussi fist le dit seigneur d'Engien sur les costés où ils furent ordonnés à tout leur charge. Et quant ils virent le bataille du roy de Castille esmouvoir, ils cuidèrent qu'elle deust assambler. Dont les deux bons chevaliers, qui point ne voloient estre des dairains à l'euvre, férirent des esporons, et toute leur route, jusques à la bataille du roy de Grenade ; et assemblèrent moult asprement en créant fermement que le roy de Castille et toutes les batailles sievyssent; mais non firent , qui fu pités ; car la journée estoit pour eulx se le roy euist poursievy son fait. Dont yceulx furent deceu , car nuls ne les sievy des Espaignols. Et advint ainsi que le dit messire Guillame de Douglas et toute sa route y furent tous mors. Et aussy y demoura la bannière le seigneurd'Engien,queportoitGilledeHembisse, et pluiseurs autres ; mais le seigneur d'Engien se sauva. Si fii grant defi^ulte pour les Espaignols, que autrement ne les confortèrent. Et sachiés que ceulx qui là demourèrent très bien se vendirent. Et parmy la mort ils acquirent très grant bomieiir et le salveroent de leurs Ames,

RÉDACTION PRIMITIVE