CHAPITRE LXIV

Quant le roy et son conseil eut oycs les nouvelles , si leur samblèrent assez dures et contre Tonneur de leur royalme, et aussi assez raison* nahles tant que à fraternité; car vraiement il estoit tenus de souffrir de luy à cause de sa seur ; et assez légièrement s'en fust passés, se le conseil ne fust, qui point ne laissièrent dormir sus, mais lui dirent, pour luy esmouvoir:«Sire, vous avez juré solempnellement à tenir, defPendre et garder tous les drois de vostre royalme; dont, se vous laissiés ceste bonne chité de Bervich et ce bon castel de Rosebourch, qui sont sur marche, et clef de vostre pays à rencontre des Escos, vous vous acquiterez malvaisemcnt pour vostre honneur et vostre serement; et porroit on dire que, faulte de seus ou de hardement vous feroit ainsy défalir de vostre droit garder ; car encore est le orguel des Escos si grans qu'il ne leur souffist point à ce qu'ils tiennent de vostre héritage , mais manacent que , de jour en jour , ils chevauceront plus avant en vostre pays que le roy Robert ne fist oncques, mais que le roy David euist ung pau plus d'eage. Et pour paix acquerre et amour, vous donnastes vostre seur en mariage au roy d'Escoce ; si oons qu'ils sont plus dur sur vostre pays qu'ils n'ont oncques estés. Et tant en oons de nouvelles Tun jour et l'autre, par les marchissaux sur frontières, qu'il n'est point à souffrir. Et sur ce aiez bon advis et brief , et nous vous en prions. »