CHAPITRE LXV

Quant le roy d'Engleterre oy ces parolles , il manda son conseil ; et quant il fu conseilliés , il fist crier une grande fesle à Londres. Et y fiston jousles de trente chevaliers et de trente escuiers dedens. Si fu celle feste l'an mil trois cent trente un. A ceste feste vinrent moult de grans sei(^enrs; et par espécial y fu messire Jehan de

Haynnau, lui douzième de chevaliers, et eut le pris de ceulx de dehors. Et estoit avec ledit messire Jehan, le seigneur de Faigneulles, et des escuiers de dehors, messire Francque de Hal, qui fu fait chevalier en celé année avec les En* glès ens es guerres d'Escoce. Et dura la feste par le terme de huit jours. Au chief des huit jours, sur le département de le feste , le roy appella tout son conseil des trois estas ; et là fist remons- Irer par ce vaillant prélat, l'évesque de Nîcolle, tout ce qui estoit entre lui et le roy d'Escooe, comme devant avez oy ; et sur ce il prioit à tous d'avoir conseil affin que son honneur y fiist gardée. Dont se conseillièrent l'un par l'autre tous les dis estas ; et fu par le conseil dis, tout d'un commun acort, que par honneur le roy ne pooit ce souffrir, et que le roi d'Escoce lui fesoit trop grant tort : « Car on ti*euve bien que ces deux pays furent jadis tout ung et tout à ung roy d'Engleterre; lequel eut deux fils, et ens ou lit mortel, présent tous les nobles des deux pays, il donna à l'aisué le royalme d'Engleterre et au mais-né celui d'Escoce, parmy ce qu'il le tenroit en fief et en hommage de son frère le roy d'Engleterre. Or ont depuis tenu les Escos l'autre opinion, qui ne fait à souffrir. Si conseillons que de rechief toutes ces choses soient encores remoustrées au roy d'Escoce et à son conseil ; et ce sera pour l'amour et honneur de la roynne vostre seur qu'U a espousée; et s'il ne vient à connoissance sur les dites remoustrances que on luy fera à ceste fois, qu'il soit présentement desfiés; et vous pourvéez si enforciement que pour entrer en son royalme, tantost les deffiances faites; et le constraindez par tel manière qu'il soit tous lies quant il venra à merchy. Et à tout ce faire volons et désirons d'estre avec vous. •