CHAPITRE LXXVII

Quant le dit messire Robert se vit ainsi decachiés , il fu moult courouchiés, et ce ne fu point merveille. D wida le royalme au plus tost qu1l pot, et s'en vint en Haynnau devers le conte Willame qui gisoit en son lit, malades de gouttes. Si recorda au conte toute son advenue, et le grant haynne où le roy l'avoit prins à tort. Se lui pria que sur ce lui volsist conseillier. Le conte de Haynnau qui estoit sonserourge, car il avoient deux seurs, lui dist que pour Tamour de luy volentiers il envoieroil devers le roy et lui aideroit cequ'ilporroit. Dont pria monseigneur Jehan de Haynnau son frèreetl évesque deCambray qu'ils y volsissentaler; et ils dirent qu'ils yroient volentiers. Et tantost se partirent et alèreut en France, bien chargiet de leur message flaire, de par le conte de Haynnau , et excusant de bouce et par

lettres messire Robert, et en priant le roy que ses enfans il lui volsist rendre, et sa terre que sans cause il empeschoit. A tout ce le roy ne volt rien entendre; ainçois manda au conte de Haynnau que, s'il conforloit le dit messire Robert qu'il tenoitpour son anemy, qu'il l'en desplairoit; ne aultre responsse ne peurent avoir. Dont revinrent et rapportèrent la response que oye avez, devers le conte qui moult en fu courouchiés; et dist que, s'il fust haitiés, qu'ill'en pesast moult acertes. Et sur ce eut le conseil des seigneurs du pays de Haynnau, qui point ne lui conseillièrent à faire guerre, considéré tout ce que advenir en poroit. Mais tant dirent que, s'il plaisoit à monseigneur le conte lui aidier secrètement de mise, que faire le pooit , et il se pourcachast d'amis au mieulx qu'il peust; dont leconte crut ceconseil; et lui délivra en ayde six mille vies escus; et lui dist qu'il quist amis, et tous jours il le conftirteroit secrètement. Dont le commanda à Dieu. Et messire Robert se party atout le mise, et d'autres riches joiaux qui donné lui furent par le contesse et par aultres.