CHAPITRE LXXVIII

Adonts'en ala messire Robert à Namur, véir sa seur le contesse et le josne conte que on appeloit Jehan, et les autres frères, Willame, Robert et Loys qui adont estoient josnes demoiseaux. Si lui fist-on moult grant feste; mais ce ne fu point longuement ; car si tost que le roy soeut qu'il estoit là, il manda au conte de Namur que, s'il le soustenoit, il lui destruiroit tout son pays. Ainsi n'eult le conte point de conseil ne hardement de luy soustenir, car il n'osoit courrouchier le roy de qui il tenoit grant terre en France.