CHAPITRE CIL

Quand les prélas et les seigneurs furent revenus de le grant besongne dont ils avoient esté chargiés, le roy les rechupt à grant joie, et tous les autres seigneurs. Adont , présent le roy et tous les seigneurs, firent leur relacion conunent il avoient esté à Valenchiennes grandement rechus , comment le roy de France n'y avoit eur voie personne de par luy, et comment, par prière, madame la contesse et de messire Jehan de Haynnau, furent à Paris et raportèrent les responses du roy, et comment après ce se conseillèrent au conte de Haynnau de mander les Alemans qui avoient promis confort et aliances frances, comment il vinrent volentiers, et comment il ont dit devant le conte : o qu'il vous réconforteront le plus qu'il porront , mais que on leur tiengne convent , et comment ils prient que vous passés le mer au plus tost que vous poez , adfin qu'ils vous puissent véir et comment vos besongnes en vauldront mieulx. Au surplus vous disons que le conte de Flandres tient garnisons en l'ille de Gagant, de gens d'armes qui gardent le pas sur les fipontières, et ont jà fais pluiseurs despis à vous et à vos gens , dont il vous doit desplaire et à tout vostre royahne. »