CHAPITRE CIIL

Quant le roy d'Engleterre oy ces nouvelles , si en fu moult pensieux : mais nient mains celles que les Alemans lui mandoient li plaisoient moult bien. Si demanda conseil sur ce. Dont respondirent les plus de ses espécials amis qu'ils ne tenoient point « que le roy de France ne tenist que vous ne l'oseriez guerrier. Si vous conseillons

pour vostre honneur que vous faciès ung parle ment à estre à ceste Saint-Michiel à Londres, où tous ceulx du grant conseil soient mandé, et que nuls ne s'en excuse. Et adont, selon ce que vostre conseil se portera , si ouvrez. » Le roy si accorda. Adont manda et commanda à tous que tous y venissent ; et f u à le Saint-Michid l'an trente sept. Et tous y furent, ce fo raisons. Et pour ce que nulle advenue des fais d'armes, qui sont advenu en ce terme des deux royahnes, ne doivent estre oublié , je vous en conteray qu'il advint adont en Gascoingne, endementiers que le roy s^our noit à Yies-monstier.