CHAPITRE GXXIII

Quant le roy eut oy lire les lettres, il se retourna devers Tévesque, et commença à sousrirei et dist : «Evesque, vous avez bien dit et fait vostre message. A ceste lettre ne convient point de responce; si vous poez partir quant vous volez. » — «Sire, dist l'évesque, grant merchis!» Dont prist congié et s'en ala à son hostel. Si se tint là toute jour. Quand vint au nuit, le roy lui envoia à son hostel ung sauf-conduit, pour retourner seurement parmy le royalme de France. Dont se party ; et s'en râla en Engleterre devers le roy et les barons, à qui il recorda comment il avoit fomy son messaige. Si en eurent Englès grant joie.