CHAPITRE CXXIV

Or fist le roy de France coppier ces desfiances, et les envoya en pluiseurs lieux par le royalme, affin que ses amis euissent advis là sus, et espécialement au conte de Haynnau son nepveu et au duc de Brabant. Et leur manda qu'ils n'euissent nulles aliances aux Englès; et s'ils le (àisoient, il leur arderoit leur pays. Et envoia tantost pour* véir et mettre garnisons sur les frontières de l'Empire, car il n'estoit point bien asseur des Almans. Et manda à cenlx de Toumay, de Lille , de Béthune, d'Arras, de Douay qu'ils fussent sur leur garde, e( pourvéissentet fortifiassent leurs villes, et aussi qu'ils presissent garde aux crestaux et entour eulx. Et envoya le roy à Saint-Omer, à Calais , à Boulongne et par tout sur les frontières, et gens d'armes pour y garder; et aussi envoia-il amont en Bretaîgne en revenant jusques à Harfieur, et en le Rocelle, râlant tout autour jusques en Avignon et toute la rivière du Rosne. Et pour bien abrégier ce compte, il fist pouvéir à tous costés; et en escripsy amiablement à ceulx de Cambray qu'ils lui fussent bon amy et bon voisin en tous cas, et il le seroit à eidx , se besoing en avoient pareillement. S'envoia Godemart du Fay à Toumay, et à Mortaigne monseigneur de Beai^eu ; et mist sur mer grant quantité de Jennevois; et leur commanda qu'ils ardissent en Engleterre au plus tost qu'ils pooient. Et donna à son chier cousin , monseigneur Jaque de Bourbon, la terre de Pontieu et

REDACTIOW PRIMITIVE

toutes Tes 8pp«Ddances, en foy et en hommage 9 tenir de lui ; leqnel en prist la possession , et y ^ena madamme sa femme demourer.