CHAPITRE CLIIL

Par ung samedy bien matin vint le conte de Haynnau, bien acompaigniés de Haynnuiers, à le porte de Saint-Quenlin, et y livra ung assault. Et là estoit Jehan de Candos, qui puis fu chevalier; lequel y fist grans appertises, car il se jetta entre les barières à le porte , au sault d'une lance. Et conquirent les Haynnuiers les bailles. Là estoit le conte de Haynnau , le sénescal de Haynnau , le seigneur de Lingue, et plusieurs autres bons chevaliers qui y firent de grans fais d'armes. Et ceulx de dedens pareillement se defFendoîent moult vaillamment ; et monstroient bien qu'ils estoient hommes du mestier d'armes. Et à celle heure foisoient assault d'auUre part à le porte, Robert le sire de Beaumont , le sire d'Engien et le sire de Franquemont , messire Ernoult de Blanqaenhem et messire Gautier de Maugny qui y firent moult dur assault. Et moult y eut de mors et de navrés dedens et dehors. Entrues vint le conte Raoul d'Eu , à deux mille armures de fér, qui fort rafresquy ceulx de dedens. Et dora cel assault du matin jusques à la nuyt ; puis se retrayrent.