CHAPITRE CLIV

Je ne vous porroie raconter tous les assaulx et escarmuces qui furent fais devant Cambray et à Tenlour , car tout le pays fu ars et gastés. Là vint le josne conte Willame de Namur servir le conte de Haynnau, à deux cens lances ; mais bien disoit que jà sur le royalme de France ne mesfieroit. Aussi n'estoit point l'intencion du conte de Haynnau , que nuls de par lui entrast sur le royahne. Encore s'envoia-il adont excuser devers le roy, par monseigneur Henry d'Antoing et par monseigneur de Faigneules. Lequel roy prist Tescusance à bon gré. Entrues que le roy Englès séoit devant Cambray à plus de quarante mille hommes bien armés, le roy de France assambloit à Péronne ses gens d'armes pour deffendre son pays ; car il sa voit bien que les Englès yoloient enploier leur passage et aler plus avant conune vous orez.