CHAPITRE CLXI

Or vous dirons ung petit des Englès et quel conseil il eurent. Quant le roy fut logiez à la Cappelle en Tieraice, et il sceut pour vray que le roy de France estoit à deux petites lieuwesde ly, atout grant volenté de combatre , si mist ses gens et conseil ensamble; et leur demanda comment pour son honneur il se maintenroit , car c'cstoit son entente du combatre, puis quil estoit ensy près d'eulx. Adont regardèrent les seigneurs l'un l'autre ; et prièrent au duc de Brabant qu'il volsist dire son entente. Et le duc dist qu'on cnvoyast héraulx par devers les François, et que on mesist certain jour de bataille, en l'onneur de Dieu et de Saint George. Adont fu appelles ung hérault qui estoit au duc deGuerles, qui bien savoit françois et fu bien infourmés. Si chevauça tant qu'il vint en Tost du roy de France. Si fii amenés courtoisement devers le roy et les seigneurs. Si fist la révérence au roy et dist : a Sh^ , c'est l'intencion du roy d'Engleterre et de tous ses aidans, que, se vous volez avoir belle aventure d'armes, je vous en apporte bonne nouvelle; car à vendredy, au plaisir de Dieu et de Saint George, yous les trouverez au royalme que vous dittes

estre vostre, tous armés et apparilliés pour combatre sur les camps. » Lors respondy le roy de France : «Ces nouvelles ne devons point refuser; car moult nous plaisent ; et à ce jour il seront combatus sans faulte. » Deat se party le hérault; et prist congié du roy et des seigneurs, qui lui douèrent de moult rices dons. Si s'en revint aux Englès et fit sa relation.