CHAPITRE CLXII

Ansy que sur cel estât fu le journée accordée à ce vendredy, et il estoit mercredy. Si s'abillèrent et ordonnèrent chascuns, pour estre à ce jour ou meilleur eslast qu'ils porroient estre, chascun ensi que pour son corps. Le joedi au matin dont la bataille dcvoit estre lendemain, advint que deux chevaliers du conte de Haynnau, ce furent le seigneur de Faigneulles et le seigneur de Tupigny, montèrent sur leurs coursiers rades et appers, et se partirent de leur ost , en propos pour adviser l'ost des Englès. Si prînrent les camps, et chevaucèrent à le couverte, costiant l'ost des Englès. S'esquéy que lé seigneur de Faigneulles estoit sur ung coursier méranoolieux et mal enbouquiés. Si s'effréa tant qu'il prist son mor aux dents ; et se démena tant qu'il fu maistre di:^$eigneur. Si l'en porta, volsist ou non, droit en l'ost des Englès; et quéy eus es mains des Almans, qui tantost congnurent qu'il estoit François; si l'enclorent de toutes pars et prirent; et l'eut le seigneur de Hoteberch à son prisonnier; et le seigneur de Tupigny retourna en l'ost de Haynnau et leur recorda l'aventure; dont moult furent courechiés, et par espéclal le conte.