CHAPITRE CLXXIV

Or parlerons du roy d'Engleterre et de ses aloiés qu'ils devinrent , car le roy de France ne les sieuvy plus avant, ains s'en râla à Saint- Quentin, et là donna à toutes ses gens'congiet, et les garnisons d'en râler où ils estoient ordonnés par avant. Lendemain au matin , se mirent ensamble au conseil le roy dIEngleterre et tous les seigneurs, et conseilUèrent quelcbose il feroient. Si curent accort que toutes gens s'en ralaissent en leurs lieux. Dont s'en râlèrent les Almans; et s'en râla le roy avec le duc à BrouxcUes; et là se rafresquircnt; et ordonnèrent ung grant parlement , là où fu Artevelle et le conseil des bonnes villes de Flandres. Et là leur rcmonstra le roy d'Engleterre que, s'ils lui voloient aider à parmaintenir sa guerre, il leur feroit avoir Douay et Béthune qui jadis avoient esté de Flandres. Sur ce eurent Flamens grant délibéracion de conseil, pour tant qu'ils estoient jadis obligié, sur une grant mise de florins, à le cambre du pappe , qu'ils ne pooient faire guerre contre le roy de France qu'ils ne fuissent attains en celle somme ; mais se le roy d'Engleterre voloit faire une chose : qu'il s'appelast roy de France et volsist cnquerquier les armes de France à porter , il le tenroient pour roy et obéyroient à luy , et Faideroientàleur pooir à joir du royalme; et par ainsi ne se fburferoient point en la somme des florins ; car le roy de France et d'Engleterre leur pooit quitter.