CHAPITRE CLXXV

Sur ces requestcs le roy prit conseil, car grant besoing lui estoit d'avoir Fayde des flamens; et se lui estoit pesant à emprendre les armes de France à porter, qui encores n'y avoit riens conquis qui fesist à tenir. Si se porta le conseil que, s'ils lui voloient jurer et sajeller de aidier sa guerre à maintenir, s'il emprendroit ce que dist estoit, il leur aroit en couvent de faire ravoir Lille, Douway et Béthune; et ils disent que oyi, Si fu assigné certain jour de parlement à Gand,

qui se tint , là où fu le roy d'Engletare, le duc de Brabant , et tous les prinches et les seigneurs Almans qui estoient ses allés. Et d'aultre part y furent tous les bourgois et conseil des bonnes villes et du Franc de Bruges. Si furent là remonstrées et proposées toutes les chases dessus dittes; et furentlettres scellées, des Flamensd'une partie, et du roy d'aultre. Et par ces poins, là endroit enquerqua le roi d'Engleterre les armes de France esquartelées d'Engleterre, et empristle nom du royalme de France, jusques à tant qu'il les laissa par certaines composicions , ainsy comme vous orez cy après >.