CHAPITRE CLXXVI

A ce parlement eut moult de choses consilliées et retournées. Et touttes voies fù-il accordé de tous les seigneurs qui là estoient, qu'ils feroient grant guerre en France; et par espécial parmy l'aide des Flamens, qu'ils aségeroient Toumay ; car s'ils l'avoient, de légier ils aroient LiUe, Douay et Béthune, et courroient de jour en jour le royalme si avant qu'ils voiroient, Flamens et Brabençons qui estoient allés ensamlde, et metteroient paine qu'ils euyssent le pays de Haynnau d'accord avec eulx. Si en seroit leur guerre plus belle. Mais le conte de Haynnau, qui bien avoit esté priés du roy d'Engleterre d'estre à ses parlemens, s'escusoit tousjours; et disoit que jà ne feroit chose qui fust oontre le roy de France son oncle, se premiers (m ne lui avoit fourfoit. Adont se partirent tous les seigneurs, et s'en râlèrent chascuns en leurs lieux, et le roy d'Engleterre leur pria moult de bon cuer que, quant il les semonroit qu'ils fuissent apparilliés;iet ils hli eurent ainsi en couvent.