CHAPITRE VIII

Gf dit tel Miflpot MtaMiMemeitt et ordoBBaMei qoete bmp»-

dial ai à JewMi.

Si fit tantost le saige gouverneur ses establissemens ; et ordonna que sur la place de la ville , laquelle est grande et belle devant le palais, auroit jour et nuict soubs diverses bannières et capitaines gens d'armes en suffisante quantité pour la garde du palais et de la viSe. Après ce fot bien informé quels estoyent tenus les plus saiges et plus preud'hommes de h ville, et iceulx establit sur le fait de là justice. Et bien lem» euchargea , que sans espargner homme quel qu'il fust, grand ou petit, justice gardassent , par telle règle de droict qu'il n'y pust appercevoir nulle fraude, ne que plainte en ouîst. Et si en aulcun d'eux pouvoit appercevoir faveur nulle à une partie plus que à l'autre, fussent tous seurs que il les en punirait , que les autres y prendroicnt exemple. Et avec ce, afin que firaude n'y pust avoir, ordonna que on pust appeller du juge devant luy. Jà avoit estably ceulx qui seroient de son conseil, où fl print des plus saiges anciens et des plus authorisés; et par iceulx se conseilloit, selon leurs statuts et anciennes manières de gouverner le fait de la police à leurs coustumes. Item fit crier par toute la ville , et faire defFenœ sur peine de mort, que nul ne ftist si hardy de courir sus l'un à l'autre, ne mouvoir sédiiîoa pour cause des parts de Guelphes et de Guibe-

lins : mais fist chascun sa marchandise et son mestier, vescussent en paix, et n'eussent autre Boing. Et que si nul leur faisoit tort , s'en plaigpnissent à la justice, et si justice ne leur Faisoit droict, vinssent à Iny, et droict leur seroit fait. Adoncques véissiez les bons marchans et hommes de bonne volonté, qui souloient musser le leur de peur d'estre robes de mauvaise gent , mener g;rand joye, et mettre hors leurs marchandises à plain , et par mer et par terre. Et les changeurs qui leur argent souloient tenir musse, et leur change clos (car s'ils les eussent ouverts, tantost eussent esté robes) , prirent à ouvrir changes, et leurs finances mettre dehors, et le Fait des monnoyes tenir , comme il est de raison , apertement et à plain, sans peur ne crainte d'estrt' desrobés , et leurs riches joyaulx mettre en public sur celle belle place, où ces belles baulles tours et maisons toutes de pierres de marbre sont à Tenviron. Et véissiez ouvrir de tous costés boutiques de toutes marchandises , et mettre dehors les trésors qui avoient esté musses par grande pièce. Et ceulx de mestier , dont les plusieurs souloient estre robeurs, convînt, s'ils vouloient vivre, eulx prendre à leurs labeurs et mestiers. Et ainsi se print chascun à faire ce qu*il scavoit. Et par celles voyes et ces règles, la justice bien gardée, et le tout bien ordonné par le sens et prud'hommie du bon gouverneur, se print tantost la police à bien amender.