CHAPITRE XX
De ce mesme, et comment Paul Ursin , Romain , mU leroy Lancelot à Rome par argent qu'il receut.
Les nouvelles de la susdîcte emprise , comment le roy f^ancelot debvoit favoriser et secourir le pape de Rome, et comment son intention estoit de se parforcer de prendre la cité de Rome , vindrent aux oreilles du mareschal. De laquelle chose fut durement irrité ; car bien luy sembla que ce pourroit estre grand empeschement et empirement de traicté de paix au fait de TÉglise. Et aussi moult luy pesa que la cité de Rome, qui doibt estre et est le droict patrimoine de TÉglIse, dust par telle tyrannie estre ravie et usurpée , et par espécial d'un si mauvais chrestien comme il est , et ennemy du roy de France, et si grand adversaire du royLouys, cousin-germain du dict roy de France. Si sceut comment le dict roy Lancelot alloit jà à toute sa puissance par mer et par terre pour y meltre le siège. Si fut moult en grande pensée de trouver aulcune voye que ceste chose fust empeschée. Et quand il eut délibéré de ce qui estoit le meilleur à faire, il appclla un de ses gentils hommes que il savoit vaillant, saige, bon et diligent, nommé Jean de Ony, duquel est parlé autre fois en ce livre. Si luy dit en cesle manière. « Vous vous en irez de tire à Rome, et parlerez à Paul Ursin, auquel me recommanderez; et de par moy luy direz : que luy qui est comme le chef et principal de Rome, et qui l'a en gouvernement , veuille monstrer par effect à ce grand besoing la loyauté, preud'hommie et vaillance qui tousjours a esté en luy, et en ses nobles et anciens devanciers ; si que de toute sa puissance et force il monstre la féauté et bon
amour que il porte , conune il est tenu , à la cité de Rome; en telle manière que il ne veuille souf> frir que elle soit ainsi contre droict et raison baillée, ne soufferte en mains estrangères, et en seigneurie de nouvel tyran. Laquelle chose s'il advenoit seroit très grandement à l'empirement de l'honneur de la cité et des Romains. Et que s'ils ont esté et sont grands et de noble couraige , desprisans servitude plus que gens du monde, à ceste fais le veuillent monstrer. Et que de ce je le prie tant comme je puis. Et le fais certain et luy promects que s'il se tient hardiement, et s'il se deffend par grand vigueur contre le dict Lancelot , si y aura grand honneur à tousjours mais, et que je le secoureray atout grand* puissance sans nulle faulie dedans quinze jours.» Jean de Ony atout ceste commission s'en alla bâtant à Rome, et avec luy par le commandement du mareschal un autre escuyer bon et appert, nommé le Bourg de Larca. Si fit sa légation à Paul Ursin bien et saigement, tout en la forme et manière que enjoint luy estoit. Et ouyes les paroles, à dire en brief ce que Paul Ursin en fit, il montra semblant que moult estoit liés de ce que le mareschal luy mandoit , en disant qu'il Ten remercioit de bon cœur. Et que par Fdulte de couraige, et de mettre toute peine, diligence, corps, avoir et vie, ne demeureroit mie, que Lancelot ne trouvast grande résistance. Et que à Rome y avoit assez vivres pour cinq mois, et puissance pour souffrir tant qu'ils fussent secourus. Si mettroit grand soin que ils se tenissent forts contre le siège. De ainsi faire et tenir loyaument le jura et promit Paul Ursin à Jean de Ony, et que sans faulte deffendroit la citéhardiement jusquesau dict terme, et tous* jours à son pouvoir, attendant le dict secours. Et pour mieulx monstrer au mareschal la voye que il debvoit tenir, luy mesme figura de sa propre main la cité de Rome sur un peu de papier, et la cité d'Ostiequi là près sied, et la manière et place où l'ou pourroit combattre par mer le navire du roy Lancelot. Aussi devisa l'aydeque il feroit au mareschal, bailla enseigne comment on le congnoistroit , et dict la manière comment Lancelot pourroit estre desconfit par terre. Toutes ces choses certifia à tenir le desloyal Paul Ursin, qui oncques rien n^en tint; Car deux jours après que le dict Jean de Ony I partit d'avec luy, il mit luy mesme le roy Lan-
r>ri8
