LIVRE DES FAITS
péril de s eûdonnir ne aller coucher en telle las • teté d'entendement , et sans avoir prins auparavant aulcune récréation de joyeuseté ou d'esbatement. Car ils dient que, adonc que Thomme dort atout sa fantaisie ainsi travaillée , Tesprit souffre peine en songeant choses mélancoliques et desplaisantes. Et pour ce , afin de remédier aux inconvénicns oiiii en peuvent ensuive , les dicts saiges conseillent à ceulx qui sont tant occupés ou d'estude, ou d'autre continuel affaire, auquel il convient que Fentendement travaille, que ils cessent aucune heure du jour de ouvrer , et qu'ils récréent et réjouissent leur esprit d'aucune joyeuseté et esbatement qui puisse reconforter nature , qui peut être grevée par prendre trop grand et continuel soing.
Si est moult à propos au reconfort de telle lasseté ouïr chanter doucement , ou jouer d'aucuns doulx instrumens, ouïr paroles joyeuses sajis péché ne vice , ou quelque chose qui face rire , et qui reconforte aulcunement nature, laquelle est en créature humaine si tendre , que eue est de peu de chose grevée et affoiblle. Et n'est point de mal de resjouir la vertu qui gist en Tàme et en l'entendement pour récréer et reconforter aulcunement la sensualité du corps; mais que on ne face point de péché ne chose vitieuse ; ne il ne desplaist point à Dieu, car n*est-il pas escript mesmement que un sainct preud'homme hermite, quand il avoit esté une pièce en oraison, prenoit sa récréation et son esbatement en petits oiselets que il nourrissoit? Dont il advint que une fois passoit par devant son hermitaige un gentilhomme qui portoit un arc derrière luy, et va murmurer du bon homme qu'il voyoit esbatre à petits oiselets qu'il tenoit sur son doigt. $i dict en soy mesme : « si cest hermite estoit si sainct comme on dict, il seroit toujours en oraison, ni joueroit pas à ces oiseaulx. d Et lors le sainct homme, qui fut inspiré par vertu divine de ce que l'autre avoit pensé , le va arraisonner et le va prier que il voulsist tendre l'arc que il portoit, et l'autre le tendit. Et l'bermite le pria que il le laissast toujours tendu ; et il respondit que non feroit, car il gasteroit son arc qui, par continuellement estre tendu, perdroit sa force et deviendroit si lasche que il ne pourroit tirer loiug. Adonc luy respondit le bon homme : « Beau fils , ainsi est-il de nature humaine, dont la foiblesse est 81 grande que elle ne souffire à l'homme, sans
trop grande grevance , estre continuellement en contemplation en aulcun labeur; si convient donner quelque plaisir à l'esprit , et qu'il se joue quelques fois , afin qu'il soit après plus prompt et plus prest à ouvrer de son entendement. »
