CHAPITRE XCVI

Or avint que le pappe Bénédic et le colliége qui se tenoit en Avingnon , par le promocion d’aucunes bonnes gens , seigneurs et dammes , dont j’ai oy nommer le roy de Behaigne , le duc de Loraine, le conte de Bar , le conte de Namur, madame Jehanue de Valois contesse de Haynnau, madame la contesse de Soisons famme monseigneur Jehan de Haynnau, et madame famme au conte de Penebruicli d’Engleterre seur au conte de Bar, qui tous doubtoient le grant clomaige et meschief qui en pooit advenir, si envoièrent deux cardinaulx à Paris pour Iraitier devers le roi Phelippe qu’il se volsist accorder à ce que parlement se fesist en aucun lieu , des deux rois; et oyssent les François les demandes du roy d’Engleterre ; et s’il estoit trouvé qu’il euist aucun droit, par bonadvis, aucune satisfaccion et appaisemens lui fust fais. Tant traitèrent les dis cardinaulx devers le roy de France , avec les moyens , qu’il s’asenty à ce que parlement se fesist. Ets’yacordale roy d’Engleterre; et devoit envoyer à Valenciennes gens souffissans , pour lui oyr et respondre aux raisons des François; et aussy y devoit envoier le roy de France personnes souffissans pour respondre aux oppinionsdesEnglès; et dévoient ceulxestre puissant d’acorder du tout les deux roys , par l’advis et conseil du conte de Haynnau sur qui toute ceste chose fu tournée.