CHAPITRE XCVII

Dont envoia le roy d’Engleterre deçà la mer dix chevaliers banerès de son pays, et dix autres : l’évesque de Nicolle, l’évesque deDurem et d’aultres gentils hommes. Si vinrent en moult grant estât à Valenchiennes, et se présentèrent devers le conte qui les rechupt à joie. Ceulx faisoient grans frais et grans despens et tenoient grant

! estât. Ce temps durant fist le conte Willame son fil chevalier. Si y eut moult grant feste. Tantost après le maria à madamme Jehanne, aisnée fille du duc de Brabant. Ainsy furent là plusieurs jours ces seigneurs d’Engleterre, atendant les seigneurs et conseil de France que le roy y devoit envoier; mais point ne venoient, dont ils estoient moult esmervilliés. Si en parloient et murmuroient grandement, tant qu’ils vinrent devant le conte, en luy priant qu’il volsist envoier en France devers le roy pour savoir à quoy il tenoit, ne cpi’il voloit faire. Adont prist le conte madame sa femme et monseigneur Jehan son frère pour y aler, lesquels y alèrent volontiers.