CHAPITRE XVII
Les escarmouches que faisoient tous les jours les gens du mareschal aux Sarrasins , et comment ils les desconfirent et chassèrent.
Au temps que ceste chose advint, le seigneur de Lescandelour avoit guerre contre un sien frère , et tenoit les champs atout grand ost à cinq journées de là. Mais quand il ouït dire la venue de nos gens, tantost vint vers eulx; et tant s’approcha en intention de les combattre que véoir les put. Mais la grande hardiesse et le maintien que il vit au vaillant chevetaine, et en sa chevaleureuse compaignie , luy toit le hardement de venir lever le siège. Et pour ce se logea à demy mille de l’ost, et le contre-siégea : car trop le redoubtoit; mais toutesfois quand son point cuidoit véoir, venoit escar moucher nos gens comme à costé. Mais à qui se venoientils jouer? Car ils ne faillirent mie à estre bien receus. Si y avoit souvent grande et fière escarmouche : mais tousjours ylaissdientles Sarrasins ou plume, ou aisle, et bien y estoient batus. Le
maresehal désiroit moult les combatre, mais ils ne l’attendoient mie : ains s’enfuyoient , et s’alloient retirer et refraischir ès jardinaigesdruset espais qui coste la ville sont. Il voulsist moult trouver voye s'il pust de les faire saillir de là , et les attraper dehors. Pour laquelle chose s’advisa d’une telle cautèle. Il ordonna que l’on tirast de nuict quatre vingt chevaulx d’une nave, et iceulx fit cacher dedans les tentes. Quand ce vint au lendemain , le maresehal fit aller à l’escarmouche une partie de ses gens , et leur ordonna que ils fissent semblant d’avoir peur , si fuyssent , et tout de gré se laissassent rebouter. Et ils le firent, et pareillement le soir devant l’avoient faict. Laquelle chose moult accreust le cœur aux Sarrasins , tellement qu’ils vindrent avec nos gens jusques à la bannière de Notre-Dame, puis s’en retournèrent. Mais pour la chaleur du soleil qui hault estoit, s’allèrent rebouter ès dicts jardinaiges pour eulx refraischir , en intention de retourner à l’escarmouche après la chaleur du jour. Quand le saige maresehal les vit là fichés , et que ils n’entendoient que à eulx ventrouiller par l’herbe fresche ès ombraiges, adonc fit tirer hors les dicts chevaulx, et gens bien armés dessus, les lances ès poings , et les ordonna en deux parties, dont il prit l’une avec soy, et l’autre commit au seigneur de Chasteaumorant; avec ce ordonna une bataille de gens de pied légèrement armés , d’archers et de varlets. Et quand cest arrov eust tout faict, lequel il avoit de longue main bien appointé, adonc tout à coup alla d’une part environnant les dicts jardinaiges, et Chasteaumorant de l’autre. Et les gens à pied se fichèrent dedans si appertement, que les Sarrasins qui désarmés s’estoyent ne purent avoir espace de reprendre leurs harnois. Si se fichèrent nos gens entre eulx, et tout les occirent de traict et à bonnes espées. Adonc qui vit esbahis ceste chiennaille, grand ris en pust avoir : car ils ne savoient se mettre en défense, ni n’osoient saillir dehors , pour ceulx à cheval que ils voyoient. Non pourtant se mirent plusieurs à la fuite , qui de nos gens furent receus aux pointes des lances. Et ainsi furent tous occis, excepté aucuns qui à force de course de chevaulx escliappèrent , et se tapirent en quelques destours. Et par ce le seigneur de Lescandelour à tout son ost fust si espouventé , pour
la grande perte qu’il avoit faicle , et des plus grands et vaillans de sa compaignie, que il s’enfuit ès montaignes, et depuis n’osa descendre , ne se monstrer vers nos gens. Et le preux et vaillant mareschal , après celle desconfiture , rassembla ses gens, et ne voult mie que longuement suivissent les fuitifs, ains mit les siens en belle ordonnance et en belle bataille; car il ne scavoit si le seigneur de Lescandelour rassembleroit sa gent pour luy revenir courir sus par grand ire et desdaing. Si se pourvéy de deffence avisément, et avoit ainsi ordonné ses batailles. Il estoit en plains champs atout une bataille , et le seigneur de Chasteaumorant en une autre, pour secourir les aultres, si mestier en avoient. Et puis l’ost estoit à tout la bannière de Nostre-Dame , qui gardoit le pas de l’entrée de la ville. Et en ceste manière et ordonnance attendit le mareschal longue pièce ; mais assez pouvoit attendre; car les Sarrasins n’avoient intention ni volonté fors de fuir. Et ainsi se passa celle journée. Le lendemain au matin le mareschal ordonna une belle compai^gnie de gens d’armes pour aller gaigner une montaigne où les Sarrasins s’estoient retirés r mais si tost que les ennemis les sentirent venir, ils s’enfuirent d’autre part, et se fichèrent ès bois. Adonc nos gens descendirent en la plaine, et gastèrent tout le pays à l’environ , où il y avoit moult beaux palais, de grands manoirs, et beaux jardinaiges ; et par tout boutèrent le feu, et tout allèrent gaslant. Quand le seigneur de Lescandelour vit que nos gens ne faisoient semblant de eulx desloger, il envoya ses messaigers devers le mareschal , et luy manda en se complaignant , que moult estoit esmerveillé pourquoy il lui faisoit si grand guerre , vu que oncques il n’avoit porté dommaige à luy ne à nul des siens, ne mesmement aux Genevois, parquoi ils dussent ce faire; et que s’il lui plaisoit avoir paix avec luy, que à tousjours mais seroit son amy, et aux Genevois aussi , en tout le service que il pourroit faire , et que il présentoitluy, sa puissance, et seigneurie, pourestre avec luy contre le roy de Cypre, et contre qui il luy plairoit. Après ces nouvelles , le saige mareschal, qui toutes choses désiroit faire au mieux, advisa que il ne savoit s’il auroit guerre au roy de Cypre , et que s’il y avoit guerre, celle contrée estoit bonne et assez près pour eulx refres-
chir et pour avoir vivres. Si eut de ceste chose advis avec son conseil , où il fut délibéré que le meilleur estoit de faire paix, puis que si humblement le requéroit. Et ainsi le firent, et tantost après le mareschal , qui quatorze jours avoit demeuré au lieu , se retira atout son ost en ses galées.
