CHAPITRE XVIII
Comment la paix fut faicte entre le roy de Cypre et le mareschal, et comment il voult aller devant Alexandrie.
Quand le mareschal se retira en ses galées, luy vindrent nouvelles que paix estoit faicte entre luy, les Genevois , et le roy de Cypre , si la manière des convenances lui plaisoit. Si appella son conseil , et fut véu que les conditions des dictes convenances estoyent toutes telles que ils demandoient. Si agréa la paix, de laquelle avoir fut assez joyeux, afin de mettre à effect le bon désir qu’il avoit de porter dommaige aux mescréans ; et fut son intention d’aller en Égypte devant Alexandrie. Adonc manda quérir tous ses patrons de naves et de galées. Si leur dict Fintention qu’il avoit, et ce qu’il voyoit à faire. Si vouloit que partie du navire allast devant. Les dicts patrons lui respondirent que, à partir de là pour prendre leur adresse tout droict en Alexandrie , le vent leur estoit trop contraire, parquoy ils ne pourroient nullement prendre le port d’Alexandrie : mais leur convenoit retourner à Rhodes, et de là prendre l’adresse du vent. De laquelle chose faire leur en donna le mareschal licence. Et luy atout ses galées s’en retourna vers Cypre , pour certifier et confirmer la paix, telle que le grand maistre de Rhodes l’avoit bastie et faite avec le roy de Cypre. Si alla tant qu’il arriva à un port de galées qui s’appelle Candée, où le dict grand maistre de Rhodes et le conseil du roy de Cypre l’attendoient. Et fut là jurée et confirmée la dicte paix. Et quand ce fut faict , par la prière du dict grand maistre , et aussi des gens du roy de Cypre , il alla plus oultre , où le roy de Cypre et luy se trouvèrent ensemble. Et luy vint le dict roy au devant r laquel le receut à très grand honneur et chère, et le mena en ses chasteaux et cités, où il avoit faict grand appareil pour sa venue. Si voulut donner de très grands dons au mares-» chai , et vingt cinq mille ducats comptant. Mais il ne les voult oncques prendre, ains l’en re-
mercia grandement , en disant que il ne Y avoit point desservy, et qu’il n’en avoit point besoin, car le roy de France son souverain seigneur luy donnoit assez. Mais s’il luy plaisoit 1 aider de ses gens d’armes, et des souldoyers quil avoit en son pays , et de ses galées lui voulsist prester pour aller avec luy sur les mescréans, que ce prendroit-il volontiers, et grand gré luy en sçauroit. Et le roy luy respondit que ce feroit volontiers. Si lui bailla deux de ses galées chargées de gens d’armes , combien que l’une s’enfuit , car c’estoient coursaires. Là avoit esté le raareschal quatre jours. Si ne voult plus séjourner; adonc print congé du roy, et s’entredonnèrent de leurs joyaulx. Si entra à toute sa gent en ses galées , en intention d’aller droict en Alexandrie. Tost furent en mer , mais n’eurent pas grandement erré (comme les mariniers tiroient à tourner environ l’isle de Cypre , pour tenir leur chemin en Alexandrie , après les naves que le mareschal y avoit devant envoyées), qu’il commença un vent contraire si très grand , que pour sens et puissance que mettre y sceussent ne pouvoient avant aller, combien que de tout leur pouvoir s’en efforçassent et estonnassent. Ne leur dura pas petit cest estrif, ains y furent trois jours entiers , et si n’avoient mie à aller plus de six milles à estre en l’adresse du vent qui conduit les eut droict en Alexandrie. Quand les mariniers virent que de toute leur puissance ne pouvoient avant aller, dirent au mareschal que oncques en leur vie telle chose n’avoient vu; et quant estoit d’eulx ils pensoient que c’estoit miracle de Dieu , qui ne vouloit mie pour aulcun grand bien , ou pour le sauvement de luy et de ses gens, que il allast celle part : car selon qu’il leur sembloit ce vent n’estoit taillé de cesser d’un grand temps. Si eut en conseil que il laissast celle voye, et allast aultre part. Adonc eut advis d’aller en Syrie devant Tripoli ; car là seroit ce voyage bel et bon , et si avoit en poupe vent propice. Si voult là aller, nonobstant que les Genevois luy conseillassent de s’en retourner à Jennes, et disoient que il avoit assez faict. Mais ce ne voult-il mie faire. Si alla tant que il arriva à Famagouste : mais pour celle fois guères n’y arresta. Si prit là une galée, et le lendemain au matin arriva devant Tripoli.
