CHAPITRE LX1X

Comment le» Anglois prirent terre «ur le» Flamand* qui garle paauge de Gagant et tinrent combattre main a

Quand les Anglois virent la ville de Gagant , où ils tendoient à venir et combattre à ceux qui dedans se tenoient, si s'a vinrent qu'ils avoient le vent et la marée pour eux et que au nom de Dieu et Saint George ils approcheroient. Adonc firent-ils sonner leurs trompettes, et s'armèrent et appareillèrent vttement , et ordonnèrent les vaisseaux, et mirent les archers devant, et singlèrent fort vers la ville. Moult bien avoient les gaites et les gardes qui en Gagant se teuoieut vu approcher cette grosse armée : si supposoient assez que c'étoient Anglois; parquoi ils s'étoient jà tous armés et rangés sur les dikes et sur le sablon , et mi» leur» pennons par

devant eux, ef fait entre eux des nouveaux chevaliers jusques à seize; et pouvoient bien être environ cinq mille tous comptés, bien apperts bacheliers et compagnons, hardis et légers ainsi qu'il* le montrèrent.

Et là étoit messire Guy de Flandre, frire au comte Louis de Flandre, un bon et sûr chevalier , mais bâtard étoit, qui admonesloit et prioit tous les compagnons de bien faire. Et là é oient messire Ducres de Hallewyn , messire Jean de Rodais, messire Gille de l'Estrief , qui fut là fait chevalier, messire Simon et messire Jean de Brukedent , qui y furent faits chevaliers aussi, et Pierre d'Knglemousticr, et maints compagnons bacheliers et écuyers et apperts hommes d'armes, ainsi qu'ils le montrèrent, et qui moult désiroient la bataille aux Anglois. Et étoient tous ceux ordonnés et rangés à rencontre des Anglois; et n'y eut rien parlementé ni devisé, car les Anglois qui étoient désirans de les assaillir, et ceux de défendre, crièrent leur cri , et firent traire leurs archers moult fort et moult roide, et tant que ceux qui le hàvre gardoient et défendoient en furent si essonniés , que, Os voulussent ou non , il les en convint reculer. Et en y eut du jtrait à ce premier coup moult de mehaignés; et prirent terre les barons et chevaliers d'Angleterre, et s'en vinrent combattre à haches, à épées et à glaives l'un à l'autre. Et lâ y eut plusieurs belles bachelcries et appertises d'armes faites ; et moult vaillamment se combattirent les Flamands : aussi moult bachelereuseraent les requirent les Anglois. Et là fut moult bon chevalier le comte de Derby : et s'avança des premiers si avant , qu'il fut , en lançant de glaives, mis par terre; et lui fut là messire Gautier de Mauny bon confort, car par appertises d'armes il le releva et ôta de tous périls , en écriant : a Lancastre, au comte de Derby! » Et adonc ils approchèrent de tous côtés, et y eut plusieurs mehaignés, et par espécial plus des Flamands que des Anglois; car les arcliersd'Angleterre qui continuellement traioient, leur portèrent très grand dommage.