‹ Les chroniques de sire Jean FroissartChapitre 86 sur 820 · CHAPITRE LXX · texte numérisé non relu

CHAPITRE LXX

Ccrament te* Anglois deconflrent ceux de Garant ; et y fut prit kttrerehalard du comte de Flandre, qui puis se rcndifAogloit.

A prendre terre au hàvre de Gagant fut la bataille dure et fière, caries Flamands, qui là

étoient et qui la ville et le hàvre gardoient et défendoient, étoient très bonnes gens et de grand'appcrlise pleins ; car par élection le comte de Flandre les y avoit mis et établis pour garder ce passage contre tes Anglois : si s'en vouloient acquitter bachdereusement et faire leur devoir en tous états, ainsi qu'ils firent. Là étoient des barons et chevaliers d'Angleterre, premièrement, le comte Derby, fi!s au comte Hcnryde Uncastre au-tort-Col, le comte de Sufforch, messire Regnault de Cobhara, messire Louis de Beauchamp , messire Guillaume Fitz- Warvich1 , le sire de Beauclerc, messire Gautier de Mauny et plusieurs autres chevaliers et bacheliers , qui très vassaument se portoient et assailloient les Flamands. Là eut dure bataille et fort combattue, car ils étoient main à main; et là firent les plusieurs moult de belles appertises d'armes et d'un coté et d'autre; mais finalement les Anglois obtinrent la place, et furent les Flamands déconfits et mis en chasse; et en y eut plus de quatre mille morts, que sur le hàvre, que sur les rues, que dedans les maisons. Et là fut pris messire Guy bâtard de Flandre, et morts messire Ducres de Hallewyn, messire Jean de Rodais, les deux frères de Brukedent , et messire Gille de TEstrief, et plusieurs autres ; environ vingt six chevaliers et écuyers y furent morts en bon convenant. Et fut la ville prise, pillée et robée, et tout l'avoir apporté et mis ès vaisseaux avec les prisonniers, et fut la dite ville toute arsc sans déport; et retournèrent arrière les Anglois sans dommage en Angleterre, et recordèrent au roi leur aventure, lequel fut moult joyeux quand il vit et scut comment ils avoient exploité. Si fit à messire Guy de Flandre créanter sa foi et obliger prison ; lequel se tourna Anglois en cette môme année et devint homme du roi d'Angleterre de foi et d'hommage; de quoi le comte de Flandre son frère fut moult courroucé.

Page 1