CHAPITRE CXXXI

Comment le chanoine de Robertsart, un capitaine auglnis, chevaucha outre le gré du roi de Portingal devant le chasteau de la Fighière, et comment il l’assaillit et conquit tout en un jour. ,

Le chanoine de Robertsart, qui se tenoit en garnison à Ville-Vesiouse avec ses compagnons anglois et gascons , parla une fois à eux et leur dit : «Beaux seigneurs, nous séjournons ci, ce me semble, mal honorablement , quand nous n'avons encore chevauché sur nos ennemis; et moins de bien ils en tiennent de nous. Si vous le voulez et vous le conseillez, nous envoyerons devers le roi, en priant qu'il nous donne congé de chevaucher. » Ils répondirent tous : « Nous le voulons. » Adonc fut ordonné messire Jean de Cavendich à faire ce message. Il dit que il le feroit volontiers. Si vint devers le roi à Lusebonne, et fit son message bien et à point, et ce dont il étoit chargé. Le roi répondit que il ne vouloit pas que ils chevauchassent hors de ses mettes ; ni oncques le chevalier ne le put tourner en une autre voie; et retourna devers les seigneurs, et leur dit que le roi ne vouloit pas que ils chevauchassent. Adonc furent-ils plus courroucés que devant; et dirent entre eux que ce n'étoit mie leur état ni leur ordonnance, ni à gens d'armes, de eux tenir si longuement en une

garnison, sans faire aucun exploit d'armes; et

enconvenancèrent l'un à l’autre de chevaucher. Si se mirent un jour aux champs bien quatre cens hommes d'armes et autant d'archers; et avoient empris, en leur chemin, d'aller à

is Æ 7 AT

Serès !, une grosse ville qui est au maître de Saint-Jacques : mais ils ravisèrent et tournérent une autre voie, pour venir devant le chastel de la Fighière 2, où il avoit environ soixante hommes d'armes espaignols en garnison, dont Piètre Gousès, et Jean son frère étoient capitaines. Le chanoine de Robertsart, qui se faisoit chef de celle chevauchée, car aussi l’avoit-il émue et mise sus, chevaucha tout devant. Là étoient messire Guillaume de Beauchamp, messire Mahieu de Gournay,MilesdeWindesore, le sire deTalleboth, messire Adam Symour, messire Jean Soudrée, frère bâtard du roi d'Angleterre , le souldich de l'Estrade, le sire de Chastel-Neuf, le sire de la Barde , Raymon de Marsen et plusieurs autres. Et chevauchèrent tant ces gens d'armes, qu'ils vinrent devant le chastel de la Fighicre, et le avironnèrent et se mirent en ordonnance de l'assaillir ; et firent toutes leurs parçons et livrées, ainsi que à faire assaut appartenoit. Quand ceux qui dedans étoient aperçurent qu'ils seroient as- Saillis, si se ordonnèrent de bonne façon, et se mirent à défense. Environ heure de prime commença l'assaut fort, fier et roide; et entroient les Anglois ès fossés où il n’avoit point d'eau, et venoient jusques aux murs, targiés et paveschiés %, pour le jet des pierres d'amont; et la houoient et picquoient de pics et de hoyaux à leur pouvoir. Et on leur jetoit pierres de faix d'amont et grands barreaux de fer, laquelle Chose en blessa plusieurs. Là étoit le sire Robert- Sart, qui bien ‘avoit corps de chevalier, qui ce Jour y fit grand'foison d'armes, et aussi y fit Esperon, un sien varlet. Là étoient les archers d'Angleterre arrétés avironnéement sur les fossés, qui traioient à ceux d’amont si ouniement que à peine osoit nul apparoir aux défenses. Et en y ot les deux parts de ceux de dedans navrés et blessés ; et y fut mort du trait le frère de Pierre Gousès, capitaine du chastel, qui s'appeloit Berthelemi, appert homme d'armes durement; et par son appertise et par soi trop fullement abandonner fut-il mort, dont ce fut pitié et moult grand dommage.

Afnsi se continua cel assaut, de l'heure de prime jusques à heure de nonne. Et vous dis que les chevaliers anglois et gascons ne s'y épargnoienf mie, mais assailloient de grand courage

1 Xerez de los caballeros. — ? La Higuera.

* Couverts de leurs boucliers et de leurs pavois.

Se F