LIVRE II

et de grand'volonté, pour la cause de ce que, Sans le commandement et volonté du roi de Portingal , ils avoient fait celle chevauchée. Si se mettoient en peine de conquerre le chastel, parquoi la renommée en vint à Lusebonne, que ils avoient à ce commencement bien exploité. Là étoit le chanoine de Robertsart, qui bien avoit corps de chevalier et emprise et fait de vaillant homme, qui les amonnestoit de bien faire, et leur disoit : « Hà, seigneurs! nous tiendra meshui cil fort tant de bonnes gens d'armes que nous sommes? si nous méttons tant à conquerre toutes les villes et les chastels d'Espaigne et de Gallice, nous n'en serons jamais. seigneurs. » Adonc s’évertuoient chevaliers et écuyers à ses paroles , et faisoient merveilles d'armes. Et vous dis que du jet d’amont le chanoine de Robert- Sart, quoique il fût bien paveschié ", reçut maint dur horion, dont il fut durement blessé et froissé. Là avoit-il de-lez lui un jeune écuyer de Hainaut , qui se appeloit Froissart Meulier, qui vaillamment à l'assaut se portoit ;-et aussi firent tous les autres. L’artillerie du chastel, Pierres et barreaux de fer, commencèrent moult à faillir, et ceux de dedans à eux lasser. Si regardèrent que de vingt-cinq hommes que ils étoient il n'en y avoit pas trois qui ne fussent navrés ct blessés, et les aucuns mis en péril de mort, et : que longuement ils ne se pouvoient tenir que de force ils ne fussent pris; car jà véoientils mort le frère de leur capitaine , Par qui plusieurs recouvrances se pouyoient faire : si avisèrent que ils prendruient un petit de répit, et cependant ils aviseroient et chargeroient d'entre eux aux plus discrets de quérir quelque bon petit traité de paix. Adonc firent-ils entre eux un conseil moult bref, et puis firent signe que ils vouloient parler aux Anglois.

Adonc fit-on cesser l'assaut, et se mirent tous ceux qui assailloient , hors des fossés. Et à voir dire, le repos à aucuns besognoit bien ; car ilen y avoit grand'foison de blessés et de lassés. Adonc se trairent avant messire Mahieu de Gournay, connétable de l'ost, et messire Guillaume de Windesore, maréchal, et demandérent que ils vouloient dire. Le capitaine, Dam Piètre Gousès, parla ainsi et dit : « Beaux seigneurs, VOUS nous coittiez de moult près; et véons bien que vous ne vous partirez point sans

1 Gouvert de son bouclier.

avoir la forteresse, vous blessez nos gens, nous blessons les vôtres; si avons conseil l’un par l'autre , je pour tous, qui en suis capitaine, que nous vous rendrons le fort, sauves nos vies et nos biens. Si nous prenez ainsi: car c'est droite parçon d'armes; vous êtes pour le présent plus forts que nous ne sommes, si le nous faut faire. » Les chevaliers anglois répondirent que ils s’en conseilleroient , ainsi qu'ils firent. Quand ils furent conseillés , ils firent réponse, et fut dit que ceux de dedans se partiroient si ils vouloient ; mais la garnison, au point où elle étoit, ils lairoient, ni rien, fors leurs vies, ils n'emporteroient. Quand Piètre Gousès vit que il n’en auroit autre chose, si aima mieux à faire ce marché que faire pis: si se y accorda. Ainsi fut le chastel de la Fighière rendu et mis en la main des Anglois. Et s'en partirent les Espaignols sur Je sauf-conduit des Anglois: et s’en allèrent à Serès, où le maître de saint Jacques étoit. Mais point ne l'y trouvèrent; car il avoit entendu que les Anglois chevauchoient : si s’étoit trait sur les champs, et chevauchoit à bien quatre cens hommes d'armes, Espaignols et Castellains ; car il espéroit que s’il pouvoit trouver les Anglois sur son avantage, il les combattroit.