‹ Les chroniques de sire Jean Froissart qui traitent des merveilleuses emprises, nobles aventures et faits d'armes advenus en son temps en France, Angleterre, Bretaigne, Bourgogne, Escosse, Espaigne, Portingal et ès autres parties, nouvellement revues et augmentées d'après les manuscrits avec notes, éclaircissements, tables et glossaires (volume 2)Chapitre 358 sur 705 · CHAPITRE CCXXXV · texte numérisé non relu

CHAPITRE CCXXXV

Comment l’amiral de France et les Fscots entrérent en Angleterre ardant et exillant le pays ; ‘ét de la mort du Aiis au comte de Staffort.

Vous avez bien ci-dessus oui recorder comment l'amiral de la mer, atout grand'charge de gens d'armes, arriva au bâvre de Haindebourch en Escosse *, et comment ses gens trouvèrent autre pays et autres gens que ils ne cuidojent. Les barons d'Escosse et le conseil du roi, l’année passée, avoient informé les chevaliers qui y avoient été, messire Geoffroy de Chargny et messire Aymar de Marse , que si l'amiral de France, ou le connétable, ou les maréchaux passoient la mer en Escosse atout mille lances de bonnes gens et cinq cents arbalètriers, et eussent avecques eux le harnois d’armes pour armer eux mille en Escosse, avecques l'aide et le demeurant du royaume d'Escosse ils combattroient bien les Anglois, et feroient un si grand treu en Angieterre que jamais ne seroit recouvré. Sur cel état avoient l'amiral de France et les François passé la mer et étoient venus en Escosse. Si ne trouvèrent pas en voir assez de ces promesses : tout premier ils trouvèrent dures gens et mal amis et povre pays; et ne sçurent tantôt les seigneurs, chevaliers et écuyers de France qui là étoient, où envoyer leurs varlets sur le pays pour fourrager; ni aller ils n’y osoient fors en grands routes, pour les malandrins du pays qui les attendoient au pas, et les ruoient jus, meshaiguoient et occioient.

Or vint le roi Robert d'Escosse, un grand bon

3 Je trouve dans un autre manuscrit, « à une bonne ville près d’illeuques, qui est appelée Escures.v 4 C'est à dire à Leith.

Page 1