LIVRE IL

homme à uns rouges yeux rebraciés : ils sembloient fourrés de sendail ! ; et bien montroit que il n'étoit pas aux armes trop vaillant homme et que il eût plus cher le séjourner que le chevaucher; mais il avoit jusques à neuf fils, et ceux aimoient les armes. Quand le roi d'Escosse fut venu à Haindebourch, ces barons de France se trairent devers lui et s'accointèrent de lui, ainsi comme il appartenoit et que bien le savoient faire ; et étoient avécques eux à ces accointances le comte de Douglas, le conite de Mouret, le comte de la Mare, le comte de Surlant et plnsieurs autres. Là requit l'amiral et pria au roi que, sur l'état pourquoi ils là venus aù pays étoient, on leur accomplis, et dist que il vouloit chevaucher en Angleterre. Les barons et les chevaliers d'Escosse qui se désiroient à avancer en furent tout réjouis , et répondirent que si à Dieu plaisoit, ils feroient un tel voyage où ils auroient honneur et profit. Le roi d'Escosse fit son mandement grand et fort; et vinrent à Hamdebourch, et là environ, au jour qui assigné y fut, plus de trente mille hommes, et tous à cheval, et ainsi qu'ils venoient ils se logeoient à l'usage de leur pays, et n'avoient pas tous leurs aises. Messire Jean de Vienne, qui grand désir avoit de chevauclier et d’e employer ses gens en Angleterre pour faire aucun bon exploit d'armes, quand il vit ces Escots venus, dit qu'il étoit temps de chévaucher, et quétrop avoient là séjourné. Si fut le département signifié à toutes gens. Adonc se mirent-ils à voie et prindrent lé chemin de Rosebourch. A celle thevauchée n'étoit point le roi, mais étoit demeuré en Haindebourch, et étoient tôus ses enfans en l'armée. Et sachez que jusques à douze cens pièces de harnois, pour armer én bon ‘arroi de pied encap, furent délivrés aux chevaliers et écuyers d'Es cosse et de Norvége ? qui étoient mal armés, lesquels harnois l'amiral avoit fait venir de Paris : dont les compagnons qui en furent revètus orent grand'joie. Or chevauchèrent ces gens d'armes vers Northonbrelande, et exploitèrent tant qu'il vinrent à l’abbaye de Mauros ; et se logtrent les seigneurs et toutes manières de gens autour de la rive. À lendemain ils s’en vinrent sur la Morlane, et depuis devant Rosebourch.

1 Sorte d'étoffe écarlate, fort estimée alors. ? Peut-être Froissart entend-il par-là les troupes venues des Îles Orkney.

Du chastel de Rosebourch, de par messire Jean de Montagu, à qui le chastel est et toute la terre de là environ, étoit le gardien et capitaine un chevalier qui se appeloit messire Édouard Clifford. L'amiral de France et tous ceux de sa route et les Escots s'arrêtèrent devant, et bien l'avistrent : si regardtrent, tout considéré, que à l'assaillir ils ne pourroient rien conquester; car le chastel est bel, grand et fort ct bien muni d'armes et d'artillerie. Si passèrent outre, et vinrent tout contreval celle rivière de Tuide, en approchant Bervich et la mer; et chevauchérent tant que ils vinrent devant deux tours carrées, fortes assez. Au dedans avoit deux chevaliers , le père et le fils, qui s'appeloient tous deux messire Jean Strand. A ces tours avoit adonc bon herbergage de une plate maison qui fut tantôt arse et les tours assaillies ; et là ot fait de grandes appertises d'armes, et plusieurs Escots blessés au trait et du jet des pierres. Finablement les tours furent prises et les chevaliers dedans, par bel assaut, qui les défendoient et qui vaillamment se défendirent tant comme ils purent durer.

* Après la conquête de ces deux tours, et que les Escots et les François en furent seigneurs, on s'en vint devant un fort chastel d'autre part que on appelle au pays Werk , et est de l’héritage messire Jean de Montagu. Si en étoit gardien et capitaine de par lui messire Jean de Mouseborne, lequel avoit là dedans sa femme et ses enfans et tout son cariage. Et bien savoit en devant que les François devoient venir ; si avoit à son pouvoir grandement bien pourvu le chastel de gens d'armes et d'artillerie pour attendre l'assaut. Devant le chastel de Werk s'amenagèrent et s’arrêtèrent tous ceux de l'ost, car il siéd sur une belle rivière qui rentre en la mer par le Tuide, dessous Bervich. A ce chastel de Werk ot un jour grand assaut ; et moult bien s'y portèrent les François, trop mieux que les Escots; car ils entroient dedans les fossés ct les passoient à grand'peine tout outre. Et là ot fait de ceux d'amont à ceux d'aval grandes appertises d'armes; car les François montoient amont sur les échelleset s’en venoient combattre main à main de ceux du fort. Là futmessire Jean de Mouseborne trés bon chevalier, et se combattit moult vail- Jlamment aux chevaliers françois qui montoient

sur ces échelles. Et là, à cel assaut, fut occis un

[1385] chevalier allemand, qui s'appeloit messire Werry Wenselin, dont ce fut dommage; et moult en v ot ce jour de navrés et de blessés. Mais Snablement il y avoit si grand peuple, et fut l'assaut si continué que le chastel fut pris, et le chevalier, sa femme et ses enfans dedans; et orent les François qui premiers y entrèrent plus de quarante prisonniers, Puis fut le chastel ars et détruit, car ils véoient qu'il ne faisoit pas à tenir, ni garder ne le pourroient, si avant en Angleterre comme il étoit,

Après le conquêt du chastel de Werk et la prise de messire Jean de Mouseborne, l'amiral de France et les barons de France et d'Escosse chevauchérent vers Anuich, en la terre du seigneur de Percy; et se logèrent tout en-mi, et ardirent et cxillièrent aucuns villages ; et furent jusques à Broel, un bel chastel et fort qui est sur la marine, au comte de Northonbrelande ; mais point n'y assaillirent, car ils savoient bien qu'ils y perdroient leur peine. Et chevauchèrent toute celle frontière jusques à Mourepès, en-mi chemin de Bervich et de Neuf-chastel sur Thin; et là entendirent que le duc de Lancastre, le comte de Northonbrelande, le comte de Northinghen , le sire de Neufville et les barons de la marche et de la frontière de Northonbrelande et de l'archevêché d’Yorch et de l’évèché deDurem, venoient à grand effort. Quand les nouvelles en furent venues jusques à l'amiral, si en fut tout réjoui : aussi furent tous les barons et chevaliers de France qui en sa compagnie étoient; car ils désiroient à avoir bataille; mais les Escots n’en faisoient nul compte.

Là fut conseillé à Mourepès qu'ils se trairoient vers la marche de Rervich pour la cause de leurs pourvéances qui les suivoient, et pour avoir leur pays au dos, et là sur leurs marches ils attendroient leurs ennemis. Messire Jean de Vienne , qui point ne vouloit issir hors de couseil, les crut. Adonc ne chevauchèrent-ils plus avant en Northonbrelande, et s’en vinrent devers Bervich , de laquelle cité messire Mahieu Rademen étoit capitaine , et avoit là dedans avecques lui grand'foison de bonnes gens d'armes. Les François et les Escots furent devant ; mais point n'y assaillirent ; ainçois passèrent outre et prindrent le chemin de Dombare pour rentrer en leur pays.

Les nouvelles étoient venues en Angleterre

que les François et les Escots étoient entrés en la marche de Northonbrelande, et détruisoient et ardoient tout le pays. Et sachez que en devant ces nouvelles le royaume d'Angleterre étoit tout pourvu et avisé de la venue de l'amiral et des François en Escosse; si étoient tous les seigneurs sur leurs gardes; et avoit le roi fait son mandement par tout Angleterre; et étoient tous traits sur les champs, comtes, barons, chevaliers et écuyers; et prenoient ainsi comme ils venoient leur chemin vers Escosse, et menaçoient fort les Escots. Et avoient fait les Anglois tout cel été les plus belles pourvéances que oncques mais ils fissent pour aller en Escosse, tant par mer comme par terre ; car ils avoient sur la mer jusques à six vingt gros vaisseaux chargés de pourvéances, qui les suivoient, frontians ! Angleterre pour venir au Umbre. Et venoit le roi accompagné de ses oncles, le comte de Cantebruge et le comte de Bouquenghen, et de ses deux frères, le comte de Kent et messire Thomas de Hollande. Là étoient le comte de Sallebery, le comte d’Arondel, le comte d'Asquesuffort, le jeune comte de

Pennebroch , le jeune sire Despenser, le comte

de Staffort , le comte de Devensière, et tant de barons et de chevaliers que ils étoient bien quatre mille lances, sans ceux que le duc de Lancastre, le comte de Northonbrelande, le comte de Northinghen, le sire de Lacy, le sire de Neufville et les barons des frontières d'Escosse, avoient, qui jà poursuivoient les Escots et les . François, où bien avoit deux mille lances et vingt mille archers. Et le roi et les seigneurs qui venoient avoient en leurs routes bien cinquante mille archers, sans les gros varlets.

Tant exploittrent le roi d'Angleterre et ses osts, en venant après le duc de Lancastre et les autres qui étoient premiers, que ils vinrent en la marche d'Yorch; car sur le chemin nouvelles éloient venues au roi et à ses gens que leurs gens se devoient combattre aux Escots en la marche de Northonbrelande, et pour ce se hâtoient-ils le plus. Et s'en vint le roi loger à Saint-Jean de Buvrelé, outre la cité d’Yorch et la cité de Durem; et là leur vinrent nouvelles que les Escots étoient retraits vers leur pays : si se logèrent toutes manières de gens d'armes en la marche de Northonbrelande. Or vous vueil-je recorder

! En suivant les frontières d'Angleterre.