CHAPITRE XXIIL

Comment le siége fut mis devant Brest en Bretagne, et comment plusieurs forteresses anglesches d'environ le pays de Toulouse furent recouvrées et faites françoises.

En ce temps que ces avenues se portoient telles, en Castille et ens ès luintaines marches, fut ordonné de par messire Olivier de Cliçon, connétable de France, à mettre une bastide devant le fort en garnison du chastel de Brest en Bretagne ! , que les Anglois tenoient et avoient tenu long-temps, ni point ne s'en vouloient partir, ni pour le roi de France ni pour le duc de Bretagne à qui il en appartenoit; et en avoient plusieurs fois escript devers le dit duc, le dut de Berry et le duc de Bourgogne et le conseil du roi; car lors, si comme vous savez, le jone roi de France étoit au gouvernement de ses oncles ; etayoient prié au duc de Bretagne que il voulsist mettre cure et diligence à conquérir son héritage, le chastel de Brest, qui grandement étoit au préjudice de lui quand Anglois le tenoient. Le duc, tant par la prière des dessus dits n0immés que pour ce aussi que il vit volontiers qé il fût sire de Brest, car on dit en plusieurs lieux que il n’est pas duc de Bretagne qui n'est sife de Brest, avoit une fois mis siége devant, maïs rien n'y avoit fait et s'en étoit parti; et disoit que on n'y pouvoit rien faire. Dont aucuns chevaliers et escuyers de Bretagne murmuroiïent fn derrière, et disoient que il se dissimuloit, et que ceux qui le tenoient étoient ses grands amis, et ne voudroit pas, pour toutes paix, que il fût eh ses mains ni en la saisine du roi de France; car si les François le tenoient, il n’en seroit point

1 Les grandes Chroniques mettent oe siége de Brest en l'année 1386. .

sfre mais plus foible, et les Anglois quand ils le tiennent ne l'osent courroucer. Pourquoi, toutes ces choses considérées, il étoit avis au connétable de France que le chastel et la ville de Brest qui là étoient en ferme terre, et qui étoient ennemis au royaume de France, au cas que le duc de Bretagne le mettoit en nonchaloir, ne gisoit pas honorablement pour lui ni pour les chevaliers de Bretagne. Si ordonna à mettre siége devant, et y envoya grand'foison de chevaliers et d’escuyers de Bretagne, desquels il fit souverains maîtres et capitaines le seigneur de Malestroit, le vicomte de la Berlière, Morfornace et le seigneur de Roche-Derrien. Ces quatre vaillans hommes s'envinrent mettre le siége au plus près de Brest comme ils purent. Et firent faire et charpenter une très belle bastide, et environner de palis et de portes; et cloyrent à ceux de Brest tantôt leurs aisemens et issues, fors celle de mer; celle n’étoit pas en leur puissance de clorre. Et vous dis que devant Brest avoit souvent aux barrières des escarmouches et des Faits d'armes, car les compagnons qui désiroient les armes, tout ébattant s'en venoient jusques aux barrières traire et lancer et réveiller ceux de Brest, qui aussi les recueilloient aux armes vaillamment ; et quand ils s'étoient là ébattus une longue espace , et, tel fois étoit, navré et blessé l'un l’autre, ils se retraioient. Mais peu de jours étoient que il n’y eut quelque chose et quelque avenue de faits d'armes.

En ce temps se tenoit en la marche de Toulouse un vaillant chevalier de France, lequel s'appeloit messire Gautier de Passac, grand capitaine et bon de gens d'armes. De la nation de Berry et des frontières de Limousin étoit le chevalier. Et avoient en devant sa venue le sénéchal de Toulouse; messire Hue de Froideville, et le sénéchal de Carcassonne, messire Roger d’'Espaigne, cscript en France devers le conseil du roi l'état du pays; car il y avoit sur les frontières de ‘Loulouse et de Rabestan plusieurs compagnons aventureux, lesquels étoient tous issus de Lourdes et de Chastel-Tuilier , qui faisoient guerre d’Anglois et tenoient les forts qui ci-après s’ensuivent : Saint-Forget, la Boussée, Pulpuron, Cremale , le Mesnil, Rochefort, le Dos-Julien, Nazaret et plusieurs autres; dont ils avoient si environné la bonne ville etcité de Toulouse, que les bonnes gens ne pouvoient aller hors labou-