‹ Les chroniques de sire Jean Froissart qui traitent des merveilleuses emprises, nobles aventures et faits d'armes advenus en son temps en France, Angleterre, Bretaigne, Bourgogne, Escosse, Espaigne, Portingal et ès autres parties, nouvellement revues et augmentées d'après les manuscrits avec notes, éclaircissements, tables et glossaires (volume 2)Chapitre 490 sur 705 · LIVRE Ji · texte numérisé non relu

LIVRE Ji

gleterre et sans lui n'étoit rien fait. Du conseil du roi étoient les plus espéciaux messire Simon Burlé, messire Nicolas Bramber, messire Robert Tresilien, messire Jean de Beauchamp, messire Jean Sallebery, et messire Michel de la Polle: et encore y étoit nommé l’archevèque d'Yorch, messire Guillaume de Neufville, frère au seigneur de Neufville. Tous ceux faisoient du roi ce qu'ils vouloient , et le menoient et demenoient ainsi comme il leur plaisoit. Ni l'oncle du roi, le comte de Cantebruge, ni le comte de Bouquinghen n’y avoient parole. Et n'y avoit cuit ni moulu si il ne venoit bien à la grâce des dessus nommés. Et tout ce trouble et ce différend étoient bien sçus en#rance, pourquoi le voyage s’en avançoit. Et aussi on vouloit le duc de Lancastre retraire hors du royaume de Castille; mais on n’avoit garde que pour ce il dôt briser son voyage.

Quand les seigneurs d'Angleterre, les prélats et les cités, et les bonnes villes, et les communautés du pays furent justement et véritablement enhortés et informés comment le royaume de France étoit tout croisé de venir en Anglcterre et tout détruire, si se trayrent ensemble en conseil; et dirent et regardèrent l’un parmi l'autre que il y convenoit pourvoir et remédier ; et fut le roi envoyé querre ; et escript par ses oncles et par tout le pays que il vint à Londres, et que le pays se contentoit mal de lui et de son conseil, Le roi ni son conseil ne ostrent refuser; et se départit de la marche de Galles, où moult longuement il g'étoit tenu, et la roine aussi, et s'en vint à Windesore, et là se tint ne sais quants jours, et puis s'en partit; mais il y laissa sa femme et s'en vint à Westmoustier, au palais de Londres, et là se tint. Là le vinrent voir ceux qui à besogner avoient à lui. Là fut le conseil avisé comment on iroit au devant de celle grande horribleté qui apparoit en Angleterre. Ià dit le comte de Sallebery, qui étoit un moult bouillant homme et de grand'prudence, présent le roi et ses oncles, et tous les prélats et barons d'Angle terre qui là étoient assemblés : «Sire roi, et vous bonnes gens, vous ne vous devez pas émerveiller si nos adversaires de France nous veulent venir courir sus; car depuis la mort du noble et puissant roi notre seigneur qui fut, le roi Édouard de bonne mémoire, ce royaume ici a été en très grand’aventure de être tout perdu et esillé de lui-même par le fait des villains; et encore sait-

on bien en France que nous ne sommes pas tout un, mais en péril et en différend; et pour ce pous appert ce trouble qui n'est pas petit, car cil est fol qui ne craint pas son ennemi. Et de tant que le royaume d'Angleterre a élé en bonne unité, le roi avecques son peuple et le peuple avecques le roi, nous avons régué en victoire et en puissance; ni nous n'avons nullui trouvé ni vu qui nous ait fait tort. Si faut,et si nous besogne, car nous en véons l'apparant, oncques si grand n'apparut sus en Angleterre, que nous nous réformons en amour et en unité, si nous voulons vivre en honneur, et que nous nous regardons ct ordonnons tellement aux ports et aux hävres d'Angleterre qu'ils soient si pourvus et si gardés, que par Ja deffaute de nous le pays ne reçoive point de blâme ni de dommage. Ce royaume-ci a été un grand temps en fleur, et vous savez, une chose qui est en fleur, elle a greigneur mestier que elle soit près gardée que quand elle est contournée en fruit : nous devons voir et considérer que ce pays-ci est en fleur, car, depuis soixante ans, chevaliers et écuyers qui en sont issus ont eu plus d'honneur en tous faits d'armes que nuls autres de quelconque nation qu'il fût. Or mettons et rendons peine que, tant que nous vivons, celle honneur soit gardée.» — «Ce sera bon,» répondirent les seigueurs qui là étoient.

Page 1